രാജസ്ഥാൻ റോയൽസിന്റെ യുവതാരം റിയാൻ പരാഗ് ഐപിഎൽ കളിച്ച തുടങ്ങിയ കാലം മുതൽ സോഷ്യൽ മീഡിയയിൽ ഏറ്റവും കൂടുതൽ വിമർശനം കേട്ട ആളാണ്. രാജസ്ഥാൻ ജയിച്ചാലും തോറ്റാലും ട്രോളുകളിൽ നിറയുന്ന ഒരു മുഖമാണ് പരാഗിന്റെ.
കഴിഞ്ഞ സീസണിൽ ഒരു മത്സരത്തിലെ മാൻ ഓഫ് ദി മാച്ച് പ്രകടനം ഉണ്ടായെങ്കിലും ബാക്കി മത്സരങ്ങളിൽ ഒകെ താരം നിരാശപ്പെടുത്തി. മികച്ച പ്രകടനവും ഉണ്ടാകുന്നില്ല ഫീൽഡിങ്ങിൽ കാണിക്കുന്ന അമിത ഷോയാണ് താരത്തിന് പലപ്പോഴും വിനയാകുന്നത്. ഗ്രൗണ്ടിൽ ഡാൻസ് കളിക്കുന്നതും, അമിതാവേശം കാണിക്കുന്നതും, അമ്പയറുമാരെയും എതിർ ടീം താരങ്ങളെ കളിയാക്കുന്നതിനുമൊക്കെയാണ് താരം സ്ഥിരമായി ട്രോളുകളിൽ നിറയുന്നത്. എന്നാൽ കഴിഞ്ഞ സീസണിൽ ആഭ്യന്തര ക്രിക്കറ്റിൽ മികച്ച പ്രകടനം നടത്തിയ ശേഷം താരം വാർത്തകളിൽ നിറഞ്ഞു. ഈ സീസണിൽ വേറെ ലെവൽ പരാഗിനെ കാണാൻ കഴിയും എന്ന് പറഞ്ഞവരെ നിരാശപെടുത്തികൊണ്ട് ” വീണ്ടും ശങ്കരൻ തെങ്ങിൽ തന്നെ” എന്ന് പറഞ്ഞ പോലെ പരാഗ് ദുരന്തമായി.
6 മത്സരങ്ങൾ ഈ സീസണിൽ കളിച്ച താരം ആകെ നേടിയത് 58 റൺസാണ്. ആകെ ഐ.പി.എൽ കരിയറിൽ 53 മത്സരങ്ങളിൽ നിന്നായി 580 റൺസ് മാത്രമാണ് താരം നേടിയത്. ഒരു സീസണിൽ തന്നെ താരങ്ങൾ അടിച്ചെടുക്കുന്ന സ്കോറാണ് 5 സീസൺ കൊണ്ട് പരാഗ് നേടിയത്. എന്തിന് ഇവനെ ഇനിയും വിശ്വസിക്കുന്നു എന്നാണ് ആരാധകർ ചോദിക്കുന്നു. ജോ റൂട്ടിനെ പോലെ ഒരു പ്രതിഭ ടീമിൽ ഉള്ളപ്പോഴാണ് രാജസ്ഥാൻ ഇങ്ങനെ ഉള്ള തീരുമാനങ്ങൾ എടുക്കുന്നതെന്നും ശ്രദ്ധിക്കണം. ഇനിയും ഇത്തരത്തിൽ പരാഗിനെ കളിപ്പിച്ചാൽ ആ വിക്കറ്റ് ഫ്രീ വിക്കറ്റായി പ്രഖ്യാപിക്കാനും ആരാധകർ പറയുന്നുണ്ട്.