ഖലിസ്ഥാന് തീവ്രവാദി നേതാവ് ഹര്ദീപ് സിങ് നിജ്ജറിന്റെ കൊലപാതകത്തില് ഇന്ത്യക്കെതിരെ ഉന്നയിച്ച ആരോപണങ്ങളില് മലക്കംമറിഞ്ഞ് കനേഡിയന് പ്രധാനമന്ത്രി ജസ്റ്റിന് ട്രൂഡോ. ഇന്ത്യക്കെതിരെയുള്ള ശക്തമായ തെളിവുകള് തങ്ങളുടെ കൈയ്യില് ഇല്ലെന്ന് അദേഹം പറഞ്ഞു.
ബുധനാഴ്ച നടന്ന അന്വേഷണത്തിലാണ് വിവരം അറിഞ്ഞതെന്ന് ട്രൂഡോ പറഞ്ഞു. ഇന്റലിജന്സ് വിവരത്തിന്റെ അടിസ്ഥാനത്തിലാണ് നിജ്ജറിന്റെ കൊലയ്ക്ക് പിന്നില് ഇന്ത്യയാണെന്ന ആരോപണം ഉന്നയിച്ചത്. ഇന്ത്യയുടെ പങ്കിനെക്കുറിച്ച് അന്വേഷിക്കണമെന്ന് കനേഡിയന് അന്വേഷണ ഏജന്സികള് ആവശ്യപ്പെട്ടപ്പോള് ഇന്ത്യ തെളിവ് കൈമാറാന് ആവശ്യപ്പെട്ടു.
എന്നാല് ആ ഘട്ടത്തില് കൃത്യമായ തെളിവ് ഇല്ലായിരുന്നുവെന്നാണ് ട്രൂഡോ പറഞ്ഞത്. ഫോറിന് ഇന്റര്ഫിയറന്സ് കമ്മിഷന് മുമ്പകെയാണ് ട്രൂഡോ ഇക്കാര്യം അറിയിച്ചത്. ഫെഡറല് തെരഞ്ഞെടുപ്പ് പ്രക്രിയകളിലും ജനാധിപത്യ വിഷയങ്ങളിലും വിദേശ ഇടപെടലുകളെക്കുറിച്ചുള്ള അന്വേഷണം നടത്തുന്ന കമ്മിഷനാണ് ഫോറിന് ഇന്റര്ഫിയറന്സ് കമ്മിഷന്.
നിജ്ജറിന്റെ കൊലപാതകത്തില് ഇന്ത്യന് ഹൈക്കമീഷണര് അടക്കമുള്ള ആറ് ഉദ്യോഗസ്ഥര്ക്ക് പങ്കുണ്ടെന്നതിന് തെളിവുകളുണ്ടെന്ന് ട്രൂഡോ വാര്ത്താ സമ്മേളനത്തില് നേരത്തെ ആരോപിച്ചിരുന്നു.
ജി-20 ഉച്ചകോടിക്കിടെ പ്രധാനമന്ത്രി നരേന്ദ്ര മോദിയുമായി വിഷയം സംസാരിച്ചിരുന്നതായും ട്രൂഡോ അറിയിച്ചു.
ദക്ഷിണേഷ്യന് കനേഡിയന് വംശജരെ ലക്ഷ്യമിട്ടുള്ള രഹസ്യ ഓപ്പറേഷനുകള് ഉള്പ്പെടെ പൊതുസുരക്ഷയ്ക്ക് ഭീഷണിയായ പ്രവര്ത്തനങ്ങളില് ഇന്ത്യ ഏര്പ്പെടുന്നുണ്ട് എന്നും ട്രൂഡോ പറഞ്ഞിരുന്നു. ഇതിന് പിന്നാലെയാണ് ഇരു രാജ്യങ്ങളും തമ്മില് നയതന്ത്രബന്ധം തന്നെ ഉലയുന്ന തരത്തിലേക്ക് കാര്യങ്ങള് നീങ്ങിയത്.