വഖഫ് ബില് മുസ്ലീങ്ങളുടെ ഭൂമിയും ആരാധനാലയങ്ങളും തട്ടിയെടുക്കുമെന്നത് തെറ്റായ പ്രചാരണമാണെന്ന് കേന്ദ്ര ന്യൂനപക്ഷ ക്ഷേമ മന്ത്രി കിരണ് റിജിജു. വഖഫ് ബില്ലിനെതിരെ ചിലര് വ്യാജ പ്രചാരണം നടത്തുന്നുവെന്ന് പറഞ്ഞാണ് കേന്ദ്രമന്ത്രി വിളിച്ചുചേര്ത്ത വാര്ത്താസമ്മേളനത്തില് സംസാരിച്ചുതുടങ്ങിയത്.
വഖഫ് ബില്ലിനെതിരെ നുണകള് പ്രചരിപ്പിക്കരുത്. ചിലര് വഖഫ് ബില് മുസ്ലീം വിരുദ്ധമെന്ന് പ്രചരിപ്പിക്കുന്നു. മുസ്ലീങ്ങളുടെ ഭൂമിയും ആരാധനാലയങ്ങളും തട്ടിയെടുക്കുമെന്നും പ്രചരണങ്ങളുണ്ട്. വഖഫ് നിയമത്തെ ഭരണഘടനാപരമാക്കുകയാണെന്നും ആളുകളെ ഇങ്ങനെ തെറ്റിദ്ധരിപ്പിക്കുന്നത് എന്തിനാണെന്നും കേന്ദ്രമന്ത്രി ചോദിച്ചു.
പാര്ലമെന്റിന്റെ ഈ സെഷനില് ബില് കൊണ്ടുവരാനുള്ള ശ്രമം ഊര്ജിതമായി നടക്കുന്നുണ്ട്. എത്രയോ നീണ്ട ചര്ച്ച ജെപിസിയില് നടന്നു. ജനാധിപത്യപരമായി തന്നെയാണ് ഈ ബില് കൊണ്ടുവരുന്നത്. വെറുതെ ബഹളം വച്ചിട്ട് കാര്യമില്ല. സിഎഎയുടെ കാര്യത്തിലും ഇതേരീതിയിലാണ് വ്യാജ പ്രചാരണം നടന്നത്. നുണകള് പ്രചരിപ്പിക്കരുതെന്ന് ഇരുകൈകളും കൂപ്പി പറയുകയാണെന്നും കിരണ് റിജിജു പറഞ്ഞു.
ഇന്ത്യയില് ന്യൂനപക്ഷങ്ങള് സുരക്ഷിതരായിരിക്കും. കെസിബിസിയുടെ നിര്ദ്ദേശം എല്ലാ എംപിമാരും ശ്രദ്ധിക്കണം. ബില്ലിന് അനുകൂലമായി വോട്ട് ചെയ്യണം. കെസിബിസി ആര് എസ് എസ് സമ്മര്ദത്തിലാണോ പ്രവര്ത്തിക്കുന്നതെന്നും കിരണ് റിജിജു ചോദിച്ചു.