യാത്രക്കിടെ റൂട്ട് മാറ്റിയതിനെ തുടർന്ന് നിയമ മന്ത്രി പി രാജീവിന് എസ്കോർട്ട് പോയ പൊലീസ് ഉദ്യോഗസ്ഥർക്ക് സസ്പെൻഷൻ. നെയ്യാറ്റിൻകരയിൽനിന്ന് എറണാകുളത്തേക്കു പോയ മന്ത്രിയുടെ വാഹനത്തിനിടെ റൂട്ടിൽ മാറ്റം വന്നു എന്നതാണ് സസ്പെന്ഷന് നൽകിയതിന്റെ കാരണമായി പറയുന്നത്. മന്ത്രിക്ക് ഇതിൽ ബുദ്ധിമുട്ടുണ്ടായെന്ന് സസ്പെന്ഷൻ ഉത്തരവിൽ പറയുന്നു.
ഗ്രേഡ് എസ് ഐ സാബുരാജന്, സിപിഓ സുനില് എന്നിവരെയാണ് സസ്പെന്ഡ് ചെയ്തത്. പള്ളിച്ചലിൽനിന്ന് കരമന കിള്ളിപ്പാലം വഴി അട്ടക്കുളങ്ങരയിലെത്തി ഈഞ്ചയ്ക്കൽ ജംക്ഷനിൽനിന്നും ദേശീയപാതവഴി എറണാകുളത്തേക്കു പോകാനായിരുന്നു മന്ത്രിയുടെ ഓഫിസിന്റെ തീരുമാനം. അകമ്പടി വാഹനം മറ്റൊരു റൂട്ടിലൂടെയാണ് ദേശിയ പാതയിൽ എത്തിയത്.
മുൻനിശ്ചയിച്ച പ്ലാനിൽ മാറ്റം വന്നതിനാൽ തന്നെ അതൃപ്തി തോന്നിയ മന്ത്രിയുടെ ഓഫീസ് അറിയിച്ചതിനെ തുടർന്നാണ് സസ്പെന്ഷന് നൽകിയത്. പൊലീസ് അസോസിയേഷനിൽ നിന്ന് നല്ല എതിർപ്പ് ഉയരുന്നുണ്ട്,