ഇടുക്കിയിൽ പോക്സോ കേസില് യൂത്ത് കോണ്ഗ്രസ് നേതാവ് അറസ്റ്റില്. യൂത്ത് കോണ്ഗ്രസ് ഇടുക്കി ജില്ലാ സെക്രട്ടറിയായ വണ്ടിപ്പെരിയാർ സ്വദേശി ഷാൻ അരുവിപ്ലാക്കലാണ് അറസ്റ്റിലായത്. 15 വയസുകാരിയായ പെണ്കുട്ടിയുടെ പരാതിയിലാണ് പൊലീസ് കേസെടുത്ത്. ഇടുക്കി വണ്ടിപ്പെരിയാറിലാണ് സംഭവം. പെണ്കുട്ടിയുടെ അമ്മയുമായുള്ള സൗഹൃദം മുതലെടുത്ത് സ്ഥിരമായി വീട്ടിലെത്താറുണ്ടായിരുന്ന ഷാൻ, മൂന്ന് വർഷം മുൻപ് തന്നെ പീഡിപ്പിക്കാൻ ശ്രമിച്ചുവെന്നാണ് പെണ്കുട്ടി നല്കിയിരിക്കുന്നത്. സ്കൂളിലെ കൗണ്സിലിങിനിടയിലാണ് പെണ്കുട്ടി ഇക്കാര്യം വെളിപ്പെടുത്തിയത്. പിന്നാലെ സ്കൂൾ അധികൃതർ ചൈല്ഡ് ലൈനില് വിവരമറിയിച്ചു. തുടർന്ന് പൊലീസ് ഇയാൾക്കെതിരെ കേസെടുത്ത് അറസ്റ്റ് ചെയ്യുകയായിരുന്നു.