അന്താരാഷ്ട്ര നിലവാരത്തിലുളള റോഡ് സൗകര്യമാണ് കേരളത്തിന്റെ പ്രത്യേകതയെന്ന് മുഖ്യമന്ത്രി പിണറായി വിജയന്‍. അരിക്കൊമ്പനെ പിടികൂടിയപ്പോള്‍ എങ്ങനെ കൊണ്ടുപോകുമെന്ന് പലരും ആശങ്കപ്പെട്ടിരുന്നു. എന്നാല്‍ മനോഹരമായ റോഡ് സൗകര്യം ഇടുക്കിയില്‍ ഉണ്ടായിരുന്നു. ഇതാണ് കേരളത്തിലെ പൊതു അവസ്ഥയെന്നും മുഖ്യമന്ത്രി പറഞ്ഞു. പേരാമ്പ്ര ബൈപാസ് റോഡ് ഉദ്ഘാടനം ചെയ്യവേയാണ് അദ്ദേഹം റോഡ് സൗകര്യത്തെക്കുറിച്ച് വാചാലനായത്.
പേരാമ്പ്ര ബൈപാസ് വഴി കടന്നുപോകുന്നവര്‍ക്ക് റോഡ് വലിയ ഉപകാരപ്രദമായി. വികസനത്തില്‍ നമ്മള്‍ ഒറ്റക്കെട്ടാണ്. വികസന കാര്യങ്ങളില്‍ ഒരുമിച്ച് നില്‍ക്കാന്‍ നമുക്കാകണം. മറ്റു കാര്യങ്ങളില്‍ തര്‍ക്കങ്ങള്‍ ഉണ്ടാകും. അത് മാറ്റി വച്ച് നാളത്തെ നാടിനായി ഒന്നിച്ച് നില്‍ക്കണമെന്നും മുഖ്യമന്ത്രി പറഞ്ഞു.
വികസനത്തിലെ ഒത്തൊരുമയാണ് രാജ്യത്തിനും ലോകത്തിനും മാതൃക. കെടുതികളുണ്ടായപ്പോള്‍ നമ്മള്‍ ഒറ്റക്കെട്ടായി അതിജീവിച്ചു. പ്രധാനമന്ത്രി കഴിഞ്ഞ ദിവസം ചില പദ്ധതികള്‍ക്ക് തുടക്കം കുറിച്ച്. കൊച്ചി വാട്ടര്‍ മെട്രോ നമ്മുടെ സ്വന്തം പദ്ധതിയാണ്.
രാജ്യത്തിന് തന്നെ മാതൃകയായ പദ്ധതി സൃഷ്ടിക്കാന്‍ നമുക്കായി. ഡിജിറ്റല്‍ സയന്‍സ് പാര്‍ക്ക് രാജ്യത്തിന് മാതൃകയാകും. ഇതെല്ലാം കേരളം കൂടുതല്‍ വേ?ഗതയില്‍ മുന്നോട്ട് പോകുന്നുവെന്ന കാഴ്ചയാണ് നല്‍കുന്നതെന്നും മുഖ്യമന്ത്രി കൂട്ടിച്ചേര്‍ത്തു.
