സിഐസി സമിതികളില് നിന്ന് പിൻവാങ്ങി സമസ്ത നേതൃത്വം. സമസ്ത അദ്ധ്യക്ഷൻ സയ്യിദ് ജിഫ്രി മുത്തുകോയ തങ്ങൾ സിഐസി സമിതികളില് നിന്ന് രാജിവെച്ചു.രാജി വെയ്ക്കുകയാണെന്ന് അറിയിച്ച് പ്രൊഫ. ആലിക്കുട്ടി മുസ്ലിയാർ രംഗത്തുവന്നു. സിഐസി വിഷയത്തില് സമസ്തയുടെ മാര്ഗ്ഗനിര്ദ്ദേശങ്ങള് നടപ്പാക്കാത്തതിൽ പ്രതിഷേധിച്ചാണ് രാജി.
സിഐസിയുമായി ബന്ധപ്പെട്ട കാര്യങ്ങൾ സമസ്തയുമായി കൂടിയാലോചിക്കുവാൻ സാദിഖലി തങ്ങൾ തയ്യാറാകുന്നില്ലെന്നും സമസ്ത നേതൃത്വം പരാതി ഉന്നയിച്ചു.ഹക്കീം ഫൈസി അദൃശേരി രാജിവെച്ച ശേഷവും സിഐസിയും സമസ്തയും രണ്ട് തട്ടിലാണ്.
കഴിഞ്ഞ ദിവസം ഹബീബുള്ള ഫൈസിയെ സാദിഖലി തങ്ങൾ സിഐസി ജനറൽ സെക്രട്ടറിയായി നിയമിച്ചിരുന്നു. ഇത് സമസ്തയോട് കൂടിയാലോചിച്ചില്ലെന്നതാണ് ഇപ്പോഴത്തെ തർക്കങ്ങൾക്ക് കാരണം. സിഐസി ഉപദേശ സമിതിയിൽ നിന്നടക്കം ഇരുവരും രാജിവെച്ചിരിക്കുകയാണ്.