എന്ഡോസള്ഫാന് ഇരകള്ക്ക് നീതി ലഭ്യമാക്കണമെന്ന് ആവശ്യപ്പെട്ട് സാമൂഹ്യ പ്രവര്ത്തക ദയാബായി 18 ദിവസമായി നടത്തിവന്നിരുന്ന നിരാഹാരസമരം അവസാനിപ്പിച്ചു. സര്ക്കാര് ഉറപ്പുകളില് വ്യക്തത വരുത്തി, സമരസമിതി ആവശ്യപ്പെട്ട മാറ്റങ്ങള് ഉള്പ്പെടുത്തിയതോടെയാണ് ദയാബായി നിരാഹാരസമരം അവസാനിപ്പിക്കാന് സമ്മതിച്ചത്.
എന്ഡോസള്ഫാന് ഇരകള്ക്ക് വേണ്ടി നടത്തി വന്നിരുന്ന നിരാഹാരമാണ് അവസാനിപ്പിച്ചത്.അവസാനിപ്പിക്കുന്നത് നിരാഹാരം മാത്രമാണെന്നും ആവശ്യങ്ങള് നടപ്പിലാകുന്നത് വരെ പോരാട്ടം തുടരുമെന്നും ദയാബായി പറഞ്ഞു.
എന്ഡോസള്ഫാന് ദുരിത ബാധിതരുടെ പുനരധിവാസം ആവശ്യപ്പെട്ടാണ് ദയാബായിയുടെ നേതൃത്വത്തില് 18 ദിവസമായി സമരം നടന്നുകൊണ്ടിരുന്നത്. ആരോഗ്യാവസ്ഥ മോശമായതിനെ തുടര്ന്ന് ആശുപത്രിയില് പ്രവേശിപ്പിച്ച ദയാബായി ആശുപത്രിയിലും സമരം തുടരുകയായിരുന്നു.