ഇന്ത്യ മുന്നണിയുടെ അഭൂതപൂര്‍വ്വമായ മുന്നേറ്റം കണ്ട് പ്രധാനമന്ത്രി നരേന്ദ്രേ മോദിക്ക് ഹാലിളകിയിരിക്കുകയാണെന്ന് സിപിഎം കേന്ദ്ര കമ്മിറ്റി അംഗം സി എസ് സുജാത. നരേന്ദ്രേമോഡിയുടെ വിദ്വേഷ പ്രസംഗങ്ങളും പ്രസ്താവനകളും വ്യക്തമാക്കുന്നത് അദ്ദേഹത്തിന് ഹാലിളകിയിരിക്കുന്നുവെന്നാണ്. ഇനിയൊരിക്കല്‍ കൂടി ബിജെപി അധികാരത്തില്‍ വന്നാല്‍ രാജ്യം ഇതേ പോലെ കാണില്ലെന്ന് ജനങ്ങള്‍ മനസിലാക്കയതാണ് ഇന്ത്യ മുന്നണിയുടെ മുന്നേറ്റത്തിന് അടിസ്ഥാനം.
രാജ്യത്തെ കോര്‍പ്പറേറ്റുകള്‍ക്ക് തീറെഴുതാനും ഭരണഘടനയുടെ സ്ഥാനത്ത് മനുസ്മൃതി സ്ഥാപിക്കാനുമുള്ള കേന്ദ്രസര്‍ക്കാര്‍ നീക്കങ്ങള്‍ക്ക് കനത്ത തിരിച്ചടിയാകും പാര്‍ലമെന്റ് തെരഞ്ഞെടുപ്പ് ഫലം.
തെളിവുകളില്ലാതെ കേന്ദ്രസര്‍ക്കാര്‍ അമ്പത് ദിവസം ജയിലിലടച്ച ഡല്‍ഹി മുഖ്യമന്ത്രി അരവിന്ദ് കെജ്രിവാളിന് സുപ്രീം കോടതി ജാമ്യം അനുവദിച്ചു. ജയില്‍ മോചിതനായ അദ്ദേഹത്തെ ആഹ്ളാദത്തോടെയാണ് ജനം വരവേറ്റത് ബിജെപിയുടെ ഏകാധിപത്യത്തിനെതിരായ ജനവികാരമാണ് ഇത് വ്യക്തമാക്കുന്നതെന്ന് സിഎസ് സുജാത പറഞ്ഞു.
