വളരെ ചുരിങ്ങിയ കാലം കൊണ്ട് മലയാള സിനിമ പ്രേക്ഷകരുടെ മനസ്സില് ഇടം നേടിയ നടനാണ് ഉണ്ണി മുകുന്ദന്. നായകനായും നിർമ്മാതവായും തിളങ്ങുന്ന ഉണ്ണി മുകുന്ദനെപ്പറ്റി നടന് സൈജു കുറുപ്പ് മുൻപ് കുറിച്ച വാക്കുകളാണ് ഇപ്പോൾ സോഷ്യൽ മിഡീയയിൽ ശ്രദ്ധ നേടുന്നത്. ആരെയും വില കുറച്ച് കാണരുതെന്നും എല്ലാവർക്കും അവരുടേതായ കഴിവുണ്ടെന്നുമാണ് സൈജു കുറുപ്പ് കുറിച്ചത്. സെെജു കുറിപ്പിന്റെ പോസ്റ്റിന് ഉണ്ണി മുകുന്ദൻ മറുപടിയും നൽകിട്ടുണ്ട്
“ആരെയും അവരുടെ ഇപ്പോഴത്തെ അവസ്ഥ വച്ച് ജഡ്ജ് ചെയ്യരുത്. കാരണം കരിക്കട്ടയെ പോലും വജ്രമാക്കി മാറ്റാനുളള കഴിവ് കാലത്തിനുണ്ട്”. എന്നാണ് ഉണ്ണിയുടെ ചിത്രത്തോടൊപ്പം സെെജു കുറുപ്പ് പോസ്റ്റ് ചെയ്തിരിക്കുന്നത്. 2015 ല് ഇട്ട പോസ്റ്റാണ് ഉണ്ണി റീഷെയര് ചെയ്തിരിക്കുന്നത്.
“എല്ലാ പ്രോത്സാഹനത്തിനും നന്ദി സഹോദരാ,” എന്നാണ് ഉണ്ണി കുറിക്കുന്നത്. കഴിഞ്ഞ ദിവസം, ജെ സി ഡാനിയേൽ പുരസ്കാര പ്രഖ്യാപനവേളയിൽ ‘മേപ്പടിയാൻ’ എന്ന ചിത്രത്തിലെ അഭിനയത്തിന് ഉണ്ണി മുകുന്ദന് മികച്ച നടനുള്ള പ്രത്യേക ജൂറി പരാമർശം ലഭിച്ചിരുന്നു. ഇതിന്റെ പശ്ചാത്തലത്തിൽ കൂടിയാണ് ഉണ്ണിയുടെ പുതിയ ഇൻസ്റ്റഗ്രാം കുറിപ്പ്.
“മികച്ച നടനുള്ള ജൂറി അവാർഡ് ഇന്ന് ലഭിച്ചു. പ്രിയപ്പെട്ട സഹോദരൻ സൈജു കുറിപ്പ് പ്രോത്സാഹജനകമായ ഈ വാക്കുകൾ പോസ്റ്റ് ചെയ്തത് 2015 ജൂലൈ 19നാണ്. 2022 ജൂലൈ 19ന് അദ്ദേഹത്തോടൊപ്പം ഞാൻ ചെയ്ത ഒരു സിനിമയ്ക്ക് മികച്ച നടനുള്ള പുരസ്കാരം എന്നെ തേടിയെത്തി. എപ്പോഴും എന്നിൽ വിശ്വസിച്ചതിന് ഒരുപാട് നന്ദി,” ഉണ്ണി കുറിച്ചു.
സോഷ്യൽ മിഡീയയയിലൂടെ ആരാധകരുമായ് നല്ല ബന്ധം നിലനിര്ത്തുന്ന താരങ്ങളില് ഒരാളാണ് ഉണ്ണി മുകുന്ദന്. ഇടയ്ക്ക് ആരാധകരുടെ കമന്റുകള്ക്ക് താരം രസകരമായ മറുപടികള് കൊടുക്കാറുണ്ട്.