25-ാമത് കേരള രാജ്യാന്തര ചലച്ചിത്ര മേള 2021 ഫെബ്രുവരിയിലേക്ക് മാറ്റി. ഡിസംബർ മാസത്തിൽ നടക്കാറുള്ള ചലച്ചിത്രമേള കോവിഡ് സാഹചര്യത്തെ തുടർന്നാണ് അടുത്ത വർഷത്തേക്ക് മാറ്റിയത്.
ഫെബ്രുവരി 12 മുതൽ 19 വരെയാണ് മേള നടക്കുക. കോവിഡ് സാഹചര്യം പരിഗണിച്ചായിരിക്കും നടത്തിപ്പെന്ന് കേരള സംസ്ഥാന ചലച്ചിത്ര അക്കാദമി ഫെയ്സ്ബുക്ക് പോസ്റ്റിൽ അറിയിച്ചു.
2019 സെപ്റ്റംബർ ഒന്നിനും 2020 ഓഗസ്റ്റ് 31നും ഇടയിൽ പൂർത്തീകരിച്ച ചിത്രങ്ങൾക്കാണ് പങ്കെടുക്കാൻ അവസരം. എൻട്രികൾ ഒക്ടോബർ 31-ന് ഉള്ളിൽ അയയ്ക്കണം.
പ്രിവ്യൂ മെറ്റീരിയൽ നവംബർ 2-ന് മുമ്പും അയച്ചിരിക്കണം. സിനിമകളുടെ പട്ടിക ഡിസംബർ 10-ന് പ്രസിദ്ധീകരിക്കും. സ്ക്രീനിംഗ് മെറ്റീരിയൽ സമർപ്പിക്കേണ്ട അന്തിമ തിയതി 2021 ജനുവരി 20.