‘പള്ളിമണി’ സിനിമയുടെ റിലീസിന് മുമ്പ് തന്നെ ചിത്രത്തിന്റെ പോസ്റ്റര് നശിപ്പിച്ചവര്ക്കെതിരെ പ്രതിഷേധവുമായി നടി ശ്വേത മേനോന് രംഗത്തെത്തിയിരുന്നു. തന്നോടുള്ള വിരോധം സിനിമയോട് തീര്ക്കരുത് എന്നായിരുന്നു ശ്വേത പറഞ്ഞത്. ഫെബ്രുവരി 24ന് തിയേറ്ററുകളില് എത്തിയ ചിത്രം ശ്രദ്ധ നേടുകയും ചെയ്തിരുന്നു.
വിക്ടോറിയ എന്ന കഥാപാത്രത്തെയാണ് ചിത്രത്തില് ശ്വേത അവതരിപ്പിച്ചത്. സിനിമയുടെ റിലീസിനോട് അനുബന്ധിച്ച് പത്തടി പൊക്കത്തില് ശ്വേതയുടെ കട്ടൗട്ടും ആരാധകര് വച്ചിരുന്നു. കട്ടൗട്ട് കണ്ടപ്പോഴുള്ള തന്റെ സന്തോഷത്തെ കുറിച്ച് പറയുകയാണ് ശ്വേത ഇപ്പോള്.
”രതിനിര്വേദം സിനിമയുടെ സമയത്താണ് എന്റെ ആറടി പൊക്കത്തിലുള്ള കട്ടൗട്ടും പാലഭിഷേകവും കണ്ടത്. അന്ന് കുറേ ആളുകള് വന്ന് അതൊക്കെ ചെയ്തിരുന്നു. എന്നാല് അതില് നിന്നെല്ലാം നേരെ ഓപ്പോസിറ്റ് ആയിട്ടുള്ള ക്യാരക്ടറാണ് വിക്ടോറിയ.”
”അതിന്റെ ഒരു ലുക്ക് വെച്ചിട്ട് പത്തടിയുള്ള കട്ടൗട്ട് കാണുമ്പോള് ഒരു നടി എന്ന നിലയില് ഞാന് ഭയങ്കര ഹാപ്പിയാണ്. പള്ളിമണിയിലെ അനുഭവങ്ങള് വളരെ മനോഹരമായിരുന്നു. ഒരുപാട് ആളുകള്ക്ക് സിനിമ ഇഷ്ടപ്പെട്ടു. മലയാളത്തില് കുറേ നാളുകള്ക്ക് ശേഷമാണ് ഹൊറര് ജോണറില് ഒരു സിനിമ ഇറങ്ങുന്നത്.”
”അതിന്റെ ഒരു എക്സൈറ്റ്മെന്റ് എല്ലാവരിലും ഉണ്ട്” എന്നാണ് ശ്വേത ഒരു യൂട്യൂബ് ചാനലിന് നല്കിയ അഭിമുഖത്തില് പറയുന്നത്. സൈക്കോ ത്രില്ലര് ചിത്രമായ പള്ളിമണി അനില് കുമ്പഴ ആണ് സംവിധാനം ചെയ്തത്. പതിനാല് വര്ഷത്തിന് ശേഷം നിത്യ ദാസ് തിരിച്ചു വരവ് നടത്തിയ സിനിമ കൂടിയാണിത്.