ധ്യാൻ ശ്രീനിവാസന്റെതായി സമീപകാലത്ത് ഏറ്റവും കൂടുതൽ മലയാള സിനിമകൾ ഇറങ്ങിയിട്ടുണ്ട്. ഒരുപാട് പടങ്ങൾ ഒരുമിച്ച് ചെയ്യുന്നതുകൊണ്ട് തന്നെ ഒരു പരിപാടിക്കിടെ ധ്യാൻ ശ്രീനിവാസനെ ട്രോളുകയാണ് നടി പ്രയാഗ മാർട്ടിൻ.
ധ്യാൻ ശ്രീനിവാസനെ ഇപ്പോൾ വെള്ളിയാഴ്ച എന്നാണ് വിളിക്കുന്നത് എന്നാണ് പ്രയാഗ പറയുന്നത്. പുതിയ സിനിമയായ ‘ബുള്ളറ്റ് ഡയറീസി’ന്റെ പ്രൊമോഷൻ പരിപാടിയിലായിരുന്നു പ്രയാഗ ധ്യാൻ ശ്രീനിവാസനെ പറ്റി പറഞ്ഞത്.
“ഞാനിപ്പോൾ ധ്യാൻ ചേട്ടനെ വെള്ളിയാഴ്ച എന്നാണ് വിളിക്കുന്നത്. എല്ലാ വെള്ളിയാഴ്ചയും പ്രത്യേകിച്ച് നമ്മൾ മലയാളികൾക്ക് ധ്യാൻ ശ്രീനിവാസന്റെ ഒരു സിനിമ വെച്ചെങ്കിലും തിയേറ്ററിൽ കാണാൻ സാധിക്കും. അടുത്ത വെള്ളിയാഴ്ചയും ഉണ്ട്, അതുകൊണ്ടാണ് അങ്ങനെ വിളിക്കുന്നത്. പിന്നെ ഷോർട്ട് ആയിട്ട് വെള്ളി എന്ന് വിളിക്കും.”
പ്രയാഗ മാർട്ടിനാണ് ചിത്രത്തിൽ ധ്യാനിന്റെ നായികയായി എത്തുന്നത്. രഞ്ജി പണിക്കർ, ജോണി ആന്റണി, സുധീർ കരമന, അൽത്താഫ് സലീം തുടങ്ങീ താരങ്ങളും ചിത്രത്തിൽ അണിനിരക്കുന്നുണ്ട്.