മലയാളികളുടെ ജീവിതത്തിന്റെ ഭാഗമായി മാറിയ ശബ്ദവും പേരുമാണ് കെ.എസ് ചിത്രയുടേത്. മലയാളികളുടെ സന്തോഷത്തിനും സങ്കടത്തിനുമെല്ലാം കൂട്ടിരിക്കാനെത്തുക ഒരുപാട് പാട്ടുകള് ചിത്രയുടേതായുണ്ട്.
ഇപ്പോഴിതാ ഈ ഓണനാളില് തനിക്ക് ഏറെ ഇഷ്ടപ്പെട്ട രുചിയെ പറ്റി മനസു തുറന്നിരിക്കുകയാണ് ചിത്ര. ഏഷ്യാനെറ്റ് ന്യൂസിന് നല്കിയ അഭിമുഖത്തിലാണ് ചിത്രം ഇക്കാര്യം പറഞ്ഞത്.
‘എന്തു മധുരവും എനിക്ക് ഇഷ്ടമാണ്. എരിവ് കഴിക്കാന് പറ്റില്ല. ഉപ്പ് കുറച്ചൊക്കെ കഴിക്കാം. വായിക്കിഷ്ടം മധുരമാണ്. ഒരാഴ്ച മധുരം ഒഴിവാക്കാന് എന്നോട് പറഞ്ഞാല് ഞാന് കട്ടെങ്കിലും കഴിക്കും. എനിക്ക് മധുരം ഒഴിവാക്കാന് പറ്റില്ല. അങ്ങനെ പോകുന്നെങ്കില് പോട്ടേയെന്നു പറയും’ ചിത്ര പറഞ്ഞു.
സമ്മര്ദ്ദങ്ങളെ അതിജീവിക്കാന് എന്തൊക്കെയാണ് ചെയ്യുന്നതെന്നും ചിത്ര വെളിപ്പെടുത്തി. ‘മോതിരത്തില് ഗുരുവായൂരപ്പന്റെ ചിത്രം പതിപ്പിച്ചിട്ടുണ്ട്. ടെന്ഷനുണ്ടാകുമ്പോള് അതില് സ്പര്ശിച്ചു കൊണ്ടേയിരിക്കും. അതൊക്കെയാണ് എന്റെ ധൈര്യം എപ്പോഴും. ഗുരുവായൂരപ്പന്റെ കളഭവും മൂകാംബികയുടെ കുങ്കുമവുമുണ്ട്. അതൊക്കെ എന്റെയൊരു വിശ്വാസമാണെന്ന് മാത്രം’ ചിത്ര കൂട്ടിച്ചേര്ത്തു.