മാധ്യമപ്രവര്ത്തകയോട് മോശമായി പെരുമാറിയ സുരേഷ് ഗോപിക്കെതിരെ വിമര്ശനങ്ങള് കടുക്കുന്നു. സുരേഷ് ഗോപിക്കെതിരെ പ്രതികരിച്ച് രംഗത്തെത്തി നടന് ഹരീഷ് പേരടി. പെണ്കുട്ടി ഇഷ്ടക്കേട് പ്രകടിപ്പിച്ചിട്ടും താങ്കള് വീണ്ടും അറിഞ്ഞുകൊണ്ട് തൊട്ടു, അതിന് ക്ഷമ ചോദിക്കണം എന്നാണ് ഹരീഷ് പേരടി ഫെയ്സ്ബുക്ക് കുറിപ്പില് പറയുന്നത്.
”സുരേഷ് ഗോപി ചേട്ടാ… അറിയാതെയാണെങ്കില്.. ഒരു തവണ തൊട്ടപ്പോള് ആ പെണ്കുട്ടിയുടെ ഇഷ്ടകേട് അവള് പരസ്യമായി പ്രകടിപ്പിച്ചു… വീണ്ടും അറിഞ്ഞുകൊണ്ട് തൊട്ടത് താങ്കളെ പോലെയൊരാള്ക്ക് ചേര്ന്നതായില്ല… അപ്പോളും ആ പെണ്കുട്ടി കൈ തട്ടിമാറ്റി…”
”മകളെ പോലെയാണെങ്കില്… മക്കളോട് ക്ഷമ ചോദിക്കുന്നത് പുതിയ കാലത്ത് രാഷ്ട്രീയമായി ശരിയാണ്… ആ ശരി താങ്കള് ചെയ്യുമെന്ന പ്രതീക്ഷയോടെ…” എന്നാണ് ഹരീഷ് പേരടി ഫെയ്സ്ബുക്കില് കുറിച്ചിരിക്കുന്നത്. അതേസമയം, നടനെതിരെ സോഷ്യല് മീഡിയയില് കനത്ത പ്രതിഷേധം ഉയരുന്നുണ്ട്.
കഴിഞ്ഞ ദിവസം കോഴിക്കോട് വച്ചാണ് മാധ്യമപ്രവര്ത്തകരോട് സംസാരിക്കുന്നതിനിടെ തന്നെ ചോദ്യം ചോദിച്ച മാധ്യമപ്രവര്ത്തകയോട് സുരേഷ് ഗോപി മോശമായി പെരുമാറിയത്. സുരേഷ് ഗോപിക്കെതിരെ മാധ്യമപ്രവര്ത്തക വനിതാ കമ്മീഷനില് പരാതി നല്കുമെന്ന് കേരള പത്രപ്രവര്ത്തക യൂണിയന് അറിയിച്ചിട്ടുണ്ട്.