സ്റ്റാര്‍ മാജിക് വിവാദത്തില്‍ സംഭവിച്ചതെന്തെന്ന് ആവര്‍ത്തിച്ച് ബിനു അടിമാലി. ഷൂട്ടിനിടയില്‍ സംഭവിച്ച കാര്യങ്ങള്‍ പ്രക്ഷേപണം ചെയ്യേണ്ടതില്ലെങ്കില്‍ അപ്പോള്‍ തന്നെ താരങ്ങള്‍ക്ക് പറയാനുള്ള അവസരമുണ്ട്. എന്നാല്‍ എപ്പിസോഡ് വന്നതിന് ശേഷം മാത്രം വിവാദമുണ്ടാക്കുന്നത് ശരിയല്ല. ഷോയ്ക്കിടയില്‍ അദ്ദേഹം ചെയ്യുന്ന പല കാര്യങ്ങളും ചൊറിയാന്‍ വേണ്ടിയാണ്. ഇക്കാര്യങ്ങള്‍ തന്നോട് പറഞ്ഞിട്ടുണ്ടെന്നും ബിനു പറയുന്നു.
സന്തോഷ് പണ്ഡിറ്റ് വിമര്‍ശനം ഉന്നയിച്ചതിന് പിന്നാലെ സോഷ്യല്‍ മീഡിയയില്‍ ബിനുവിനെതിരെ സൈബര്‍ ആക്രമണം നടന്നിരുന്നു.
ബിനു അടിമാലിയുടെ വാക്കുകള്‍; സ്റ്റാര്‍ മാജിക്കിന്റെ സ്വഭാവത്തെക്കുറിച്ച് വളരെ കൃത്യമായി നമുക്കറിയാം. പുള്ളിക്കാരന്‍ ഒരോ കണ്ടന്റുണ്ടാക്കി വൈറലാക്കാന്‍ വേണ്ടിയാണ് വരുന്നത്. ഒരു ദിവസം മോശപ്പെട്ട ഒരു വിഗ്ഗ് വെച്ചു വന്നു, ചോദിച്ചപ്പോള്‍, ഇതൊക്കെ ചെയ്താല്‍ മാത്രമെ നിങ്ങളെന്നെ ചൊറിയുള്ളു എന്നു മറുപടി പറഞ്ഞു. അപ്പോ ചൊറിയാന്‍ വേണ്ടി ഓരോന്ന് സൃഷ്ടിക്കുകയാണ് പുള്ളിക്കാരന്‍.
പുള്ളിയെ എന്നെ വടി വെച്ച് തല്ലി. എന്നെ എണീറ്റ് വന്ന് ചീത്ത വിളിച്ചു. ഞാനൊക്കെ വയലന്‍ഡ് മനുഷ്യനാണ്, പക്ഷേ തല്ലിയിട്ട് ഞാനൊന്നും ചെയ്തില്ല. കാരണം എന്നെ പ്രേക്ഷകരെ കാണുന്നുണ്ട്, ഗുരുതുല്യരായി കാണുന്നവര്‍ നമ്മളെ കാണുന്നുണ്ട്. അന്നത്തെ സംഭവം മാനസിക ബുദ്ധിമുട്ടുണ്ടാക്കി. ആളുകള്‍ അദ്ദേഹം ചാരിറ്റി ചെയ്യുന്നുവെന്ന് പറയുന്നുണ്ട്. ഞാനും ചാരിറ്റി ചെയ്യുന്നുണ്ട്. മലയാളി സിനിമയില്‍ എല്ലാവരും ചെയ്യുന്നുണ്ട്. അതേസമയം ഞാനൊരു പൊതിച്ചോറ് കൊടുത്ത ശേഷം അത് വീഡിയോ എടുത്ത് യൂടൂബിലിടുന്നത് ചാരിറ്റിയല്ല, ബിസിനസാണ്