"വാല് മുറിച്ചിട്ട് വാ എന്നു പറയുന്നവർ വോട്ടിനു വേണ്ടി മാറുന്ന ഈ പോസ്റ്ററുകൾ ഒന്ന് വായിക്കൂ" 

പേരിലെ സാമുദായിക വാല് മുറിച്ചിട്ട് മതേതരത്വം സംസാരിച്ചാൽ മതി എന്ന് നിർബന്ധം പിടിച്ചിരുന്ന ഇടതുമുന്നണി അനുഭാവികളെ വിമർശിച്ച് അഭിഭാഷകയും കോൺഗ്രസ് പ്രവർത്തകയുമായ വീണ എസ് നായർ. തദ്ദേശ തിരഞ്ഞെടുപ്പിലെ ഇടതുമുന്നണി സ്ഥാനാർഥി ഗായത്രി ബാബു തന്റെ പെര് മാറ്റി ഗായത്രി എസ് നായർ എന്നാക്കി മാറ്റിയത് വാർത്തയായിരുന്നു, ഈ സാഹചര്യത്തിലാണ് വീണയുടെ വിമർശനം.

പേരിലല്ല, ചിന്തയിലാണ് ഒരു വ്യക്തിയുടെ യഥാർത്ഥ സൗന്ദര്യം എന്ന് വിശ്വസിക്കുന്ന വ്യക്തിയാണ് താനെന്നും തന്റെ പേര് മാറ്റണമെന്ന് പറയുന്നവർ വോട്ടിനു വേണ്ടി പേരു മാറ്റിയ ഇടതുമുന്നണി സ്ഥാനാർത്ഥിയുടെ പോസ്റ്ററുകൾ ഒന്ന് വായിച്ചു നോക്കണമെന്ന് അപേക്ഷിക്കുന്നതായും വീണ എസ് നായർ ഫെയ്സ്ബുക്കിൽ കുറിച്ചു.

തിരുവനന്തപുരം വഞ്ചിയൂർ വാർഡിലെ ഇടതുമുന്നണി സ്ഥാനാർത്ഥി ഗായത്രി ബാബു തന്റെ പേര് മാറ്റി ഗായത്രി എസ് നായർ എന്നാക്കിയത് സോഷ്യൽ മീഡിയയിൽ വിമർശനങ്ങൾക്ക് വഴിവെച്ചിരുന്നു. സാമുദായിക വോട്ട് ലക്ഷ്യം വെച്ചുകൊണ്ടാണ് പേരുമാറ്റം എന്നായിരുന്നു വിമർശനം. എന്നാൽ ഗായത്രി ബാബു എന്ന പേരിൽ അപരൻ വന്നതോടെയാണ് പേര് മാറ്റേണ്ട സാഹചര്യം ഉണ്ടായത് എന്നും തിരഞ്ഞെടുപ്പ്  കമ്മീഷൻ തന്നെയാണ് പേര് മാറ്റാൻ നിർദേശിച്ചത് എന്നുമാണ് ഇടതുമുന്നണി പറയുന്നത്.

അഡ്വ വീണ എസ് നായരുടെ ഫെയ്സ്ബുക്ക് കുറിപ്പ്:

സഖാക്കൾ എന്റെ എല്ലാ പോസ്റ്റുകളുടെയും താഴെ എഴുതുന്ന ഒരു ക്യാപ്‌സ്യൂളുണ്ട്.

“ആദ്യം പോയി പേരിന്റെ വാല് മുറിച്ചിട്ട്  വാ.. എന്നിട്ട് നമുക്ക് മതേതരത്വം സംസാരിക്കാം”.

പേരിലല്ല, ചിന്തയിലാണ് ഒരു വ്യക്തിയുടെ യഥാർത്ഥ സൗന്ദര്യം എന്ന് വിശ്വസിക്കുന്ന വ്യക്തിയാണ് ഞാൻ. ഇ എം എസ് നമ്പൂതിരിപ്പാടിനോടും, എസ് രാമചന്ദ്രൻ പിള്ളയോടും എനിക്ക്‌ ബഹുമാനമേയുള്ളു 😄

N. B : ഇനി ഏതെങ്കിലും സഖാവിനു എന്റെ പേര്  മാറ്റണമെന്ന് തോന്നിയാൽ നാല് വോട്ടിനുവേണ്ടി മാറുന്ന ഈ പോസ്റ്ററുകൾ ഒന്ന് വായിച്ചു നോക്കണമെന്ന് അപേക്ഷിക്കുന്നു.

Latest Stories

ഹൈക്കോടതി ഉത്തരവ് സ്‌റ്റേ ചെയ്യണം; ഗവര്‍ണര്‍ രാജേന്ദ്ര ആര്‍ലേക്കര്‍ സുപ്രീം കോടതിയിലേക്ക്

അപമാനകരം, വിസിമാര്‍ പങ്കെടുക്കരുതെന്നാണ് പാര്‍ട്ടി നിലപാട്; ആര്‍ ബിന്ദുവിനെ തള്ളി എംവി ഗോവിന്ദന്‍ രംഗത്ത്

സ്‌കൂള്‍ സമയമാറ്റത്തില്‍ സംസ്ഥാന സര്‍ക്കാര്‍ മുന്നോട്ട്; മതസംഘടനകളുമായി നടത്തിയ ചര്‍ച്ച ഫലം കണ്ടതായി വി ശിവന്‍കുട്ടി

5 കൊല്ലത്തെ വിദേശയാത്രയ്ക്ക് 362 കോടി, പ്രധാനമന്ത്രി മോദിയുടെ വിദേശയാത്രയ്ക്ക് കേന്ദ്രം ചെലവഴിച്ചത്; ഈ വര്‍ഷം മാത്രം 67 കോടി; ആകെ സന്ദര്‍ശിച്ചത് 33 രാജ്യങ്ങള്‍

നരേന്ദ്ര മോദിയുടെ പണി നുണ പറയുന്നത്; പ്രധാനമന്ത്രിയ്‌ക്കെതിരെ രൂക്ഷ വിമര്‍ശനവുമായി മല്ലികാര്‍ജുന്‍ ഖാര്‍ഗെ

'ഗോവിന്ദച്ചാമി ജയിലിൽ നിന്നും രക്ഷപ്പെട്ട സംഭവം സിസ്റ്റത്തിന്‍റെ പ്രശ്നം, അകത്ത് നിന്നും പുറത്ത് നിന്നും എല്ലാ സഹായവും ലഭിച്ചു'; വിമർശിച്ച് വി ഡി സതീശൻ

ആ സിനിമയുടെ കാര്യത്തിൽ എനിക്ക് തെറ്റുപറ്റി, ഇനി അതിനെ കുറിച്ച് സംസാരിക്കാൻ താത്പര്യമില്ല: ഫഹദ് ഫാസിൽ

ഇഞ്ചി കൃഷി നഷ്ടമായതോടെ കോഴി ഫാമിലേക്ക്; ഒടുവില്‍ ഫാമിലെ വൈദ്യുതി വേലിയില്‍ നിന്ന് ഷോക്കേറ്റ് സഹോദരങ്ങള്‍ക്ക് ദാരുണാന്ത്യം

ഉറങ്ങാൻ പോലും പറ്റാത്ത അവസ്ഥയായിരുന്നു, ഡിപ്രഷനിലേക്ക് പോയി, ഒന്നൊന്നര മാസത്തോളം കൗൺസിലിങും: തുറന്നുപറഞ്ഞ് നിഷാ സാരംഗ്

ജയിൽ ചാടിയ ഗോവിന്ദച്ചാമിയെ വിയ്യൂർ ജയിലിലേക്ക് മാറ്റും