ശ്രീജിത്തിന് കേരളത്തില്‍നിന്ന് മാത്രമല്ല പിന്തുണ പ്രവാസി മലയാളികളില്‍നിന്നുമുണ്ട്. രണ്ട് വര്‍ഷത്തിലേറെയായി അനുജന്റെ മരണം അന്വേഷിക്കണമെന്നും കുറ്റക്കാരായ പൊലീസുകാരെ ശിക്ഷിക്കണമെന്നും ആവശ്യപ്പെട്ടാണ് ശ്രീജിത്ത് സമരം നടത്തുന്നത്.
സോഷ്യല്‍ മീഡിയ ഏറ്റെടുത്ത സമരം ഇപ്പോള്‍ ഓണ്‍ലൈനില്‍നിന്ന് ഓഫ്‌ലൈനിലേക്കും ഇറങ്ങിയിരിക്കുകയാണ്. സോഷ്യല്‍ മീഡിയ കൂട്ടായ്മകള്‍ പല സ്ഥലങ്ങളിലും തെരുവില്‍ സമരം തുടങ്ങിയിട്ടുണ്ട്. ഇത്തരങ്ങള്‍ സമരങ്ങള്‍ കണ്ട് പ്രചോദനം ഉള്‍ക്കൊണ്ടാണ് മസ്‌ക്കറ്റില്‍നിന്നും നിര്‍മ്മാണ തൊഴിലാളിയായ വിജുന്‍ ജസ്റ്റീസ് ഫോര്‍ ശ്രീജിത്ത് എന്ന് എഴുതിയ പ്ലക്കാര്‍ഡുമായി പുതിയ ക്യാംപെയ്ന്‍ തുടങ്ങിയിരിക്കുന്നത്.
https://www.facebook.com/photo.php?fbid=1512907408823493&set=a.104171963030385.5796.100003127447101&type=3&theater
ഗുരുവായൂര്‍ സ്വദേശിയായ വിജുന്‍ ജസ്റ്റീസ് ഫോര്‍ ശ്രീജിത്ത് എന്ന പ്ലക്കാര്‍ഡുമായി നില്‍ക്കുന്ന ചിത്രം ഫെയ്‌സ്ബുക്ക് പ്രൊഫൈല്‍ ചിത്രമാക്കി ക്യാംപെയ്ന്‍ ലീഡ് ചെയ്യാന്‍ ഒരുങ്ങുകയാണ്. നാട്ടില്‍ ഇല്ലാത്തതിനാല്‍ ഇങ്ങനെ എങ്കിലും ശ്രീജിത്തിന് വേണ്ടി എന്തെങ്കിലും ചെയ്യാന്‍ സാധിക്കുമല്ലോ എന്നാണ് ഇതേക്കുറിച്ച് വിജുന്‍ സൗത്ത്‌ലൈവിനോട് പ്രതികരിച്ചത്. തന്റെ ഒപ്പമുള്ള തൊഴിലാളി സുഹൃത്തുക്കളോടും വിജുന്‍ ആവശ്യപ്പെടുന്നത് ഇത്തരത്തിലുള്ള ക്യാംപെയ്ന്‍ മുന്നോട്ടു കൊണ്ടുപോയി ശ്രീജിത്തിന് നീതി നേടി കൊടുക്കാനാണ്.