‘തമാശയ്ക്ക് ചെവിക്ക് പിടിച്ചതാണ്, നുള്ളിയിട്ടില്ല; പൊതുവായന കുറവാണ് : കെ. ടി. ജലീൽ

മണ്ണാർക്കാട് പത്താംക്ലാസിലും പന്ത്രണ്ടാം ക്ലാസിലും മികച്ച മാർക്ക് നേടിയ വിദ്യാർഥികളെ ആദരിക്കുന്ന ചടങ്ങിൽ പങ്കെടുത്ത ഏതെങ്കിലും ഒരു കുട്ടിയോ മാതാപിതാക്കളോ തങ്ങളെ അപമാനിച്ചെന്ന് പറയുകയാണെങ്കിൽ നൂറ് വട്ടം ക്ഷമ ചോദിക്കാൻ താൻ തയ്യാറാണെന്ന് മുൻ ഉന്നതവിദ്യാഭ്യാസ മന്ത്രി കെ. ടി. ജലീൽ.

അക്ഷരം അറിയില്ല എന്ന് താൻ പറഞ്ഞിട്ടില്ല. അത് ചിലർ വ്യാഖ്യാനിച്ചതാണ്. അവർ കറക്ട് ആയിട്ടാണ് അഡ്രസ് എഴുതിയത്. ഒരു കുട്ടി ചെറിയ അക്ഷരത്തെറ്റ് വരുത്തിയപ്പോൾ ആ കുട്ടിക്ക് പറഞ്ഞു മനസിലാക്കി കൊടുത്തു എന്നും അദ്ദേഹം പറഞ്ഞു.

പൊതുവിദ്യഭ്യാസം മോശമാണെന്നും പൊതുവിദ്യാഭ്യാസത്തെ താറടിക്കാനുമാണ് ചിലർ ശ്രമിച്ചത്. മികച്ച വിദ്യാഭ്യാസം ലഭിക്കാൻ പൊതുവിദ്യാഭ്യാസ സ്ഥാപനങ്ങളിലേക്ക് കുട്ടികളെ പറഞ്ഞുവിടാനാണ് താൻ എപ്പോഴും പറയാറെന്നും കെ. ടി. ജലീൽ മാധ്യമങ്ങളോട് പറഞ്ഞു.