സ്വർണവില 1.20 ലക്ഷത്തിലേക്ക്; പവന് ഇന്ന് 880 രൂപ വർധിച്ചു

സംസ്ഥാനത്ത് സ്വർണവിലയിൽ വീണ്ടും വർധന. ഇന്ന് 22 കാരറ്റ് സ്വർണത്തിന് പവന് 880 രൂപ ഉയർന്ന് 1,17,680 രൂപയായി. ഗ്രാമിന് 110 രൂപ വർധിച്ച് 14,710 രൂപയിലാണ് വ്യാപാരം നടക്കുന്നത്.

കഴിഞ്ഞ ദിവസം ഒറ്റയടിക്ക് 3,000 രൂപയിലധികം ഉയർന്നതിന് പിന്നാലെയാണ് ഇന്നും വില കുതിച്ചത്. ഇതോടെ ഈ മാസത്തെ ഏറ്റവും ഉയർന്ന നിരക്കിലാണ് സംസ്ഥാനത്തെ സ്വർണവില. രാജ്യാന്തര വിപണിയിലെ വിലമാറ്റങ്ങളാണ് ആഭ്യന്തര വിപണിയിലും സ്വർണവില ഉയരാൻ പ്രധാന കാരണം.