‘ചരിത്രത്തിലെ ഏറ്റവും വലുതും സമ്പന്നവുമായ തലമുറയായി ജെന്‍സികള്‍ മാറും’ ; 2029 ഓടെ യുവാക്കൾ ബൂമേഴ്‌സിനെ മറികടക്കുമെന്നും റിപ്പോർട്ട്

ചരിത്രത്തിലെ ഏറ്റവും വലുതും സമ്പന്നവുമായ തലമുറയായി ജെന്‍സി മാറുമെന്ന് റിപ്പോര്‍ട്ട്. തലമുറകളുടെ പണം ചെലവഴിക്കലുമായി ബന്ധപ്പെട്ട് നീല്‍സണ്‍ ഐക്യൂവും വേള്‍ഡ് ഡാറ്റ ലാബും ചേര്‍ന്ന് തയ്യാറാക്കിയ പഠന റിപ്പോര്‍ട്ടിലാണ് ഇക്കാര്യം പറയുന്നത്.

പ്രായത്തില്‍ ചെറുതാണെങ്കിലും ജെന്‍സി തലമുറയ്ക്ക് ഏറ്റവും വേഗത്തില്‍ വളരുന്ന ചെലവിടല്‍ ശേഷിയുണ്ട്. 2029 ഓടേ അവര്‍ ബൂമര്‍ തലമുറയുടെ ചെലവുകളെ മറികടക്കുമെന്നാണ് പ്രതീക്ഷയെന്നും റിപ്പോര്‍ട്ട് ചൂണ്ടിക്കാണിക്കുന്നു. 1946നും 1964നും ഇടയില്‍ ജനിച്ചവരെയാണ് പ്രധാനമായി ബൂമര്‍ തലമുറയായി കാണുന്നത്.

കൂടാതെ ജെന്‍സികളുടെ ആഡംബര ചെലവുകളിലും വര്‍ധനയുണ്ട്. ജെന്‍സി, ജെന്‍ ആല്‍ഫ എന്നിവര്‍ പ്രധാന ചെലവുകളുടെ വളര്‍ച്ചയ്ക്ക് യഥാക്രമം 4.03 ശതമാനം, 4.99 ശതമാനം എന്നിങ്ങനെയാണ് സംഭാവന നല്‍കുന്നത്.