"ഇന്ന് എല്ലാം പരാജയമായിരുന്നു, കളിക്കളത്തിൽ ഒന്നും ചെയ്യാൻ സാധിക്കുന്നില്ല"; റയൽ മാഡ്രിഡ് പരിശീലകൻ പറയുന്നത് ഇങ്ങനെ

ഇന്ന് ലാലിഗയിൽ അപ്രതീക്ഷിതമായ സംഭവ വികാസങ്ങൾക്കാണ് ലോക ഫുട്ബോൾ സാക്ഷ്യം വഹിച്ചത്. നിലവിൽ ലോകത്തിലെ ഏറ്റവും മികച്ച ക്ലബാണ് റയൽ മാഡ്രിഡ്. വിനീഷ്യസ് ജൂനിയർ, ജൂഡ് ബെല്ലിങ്‌ഹാം, റോഡ്രി, എംബപ്പേ, എൻഡ്രിക്ക് എന്നിവരാണ് ടീമിലെ പ്രധാന താരങ്ങൾ. പക്ഷെ ഇന്നത്തെ മത്സരത്തിൽ മികച്ച പ്രകടനങ്ങൾ നടത്താൻ ടീമിലെ താരങ്ങൾക്ക് സാധിച്ചില്ല. റയൽ മാഡ്രിഡ് ലാസ് പാൽമാസിനെതിരെ സമനിലയിൽ കളി അവസാനിപ്പിക്കേണ്ടി വന്നു.

മത്സരത്തിൽ മികച്ച പ്രകടനമാണ് ലാസ് പാൽമാസ് നടത്തിയത്. ആദ്യ പകുതിയിൽ തന്നെ അവർ ഗോൾ നേടി ലീഡ് എടുത്തിരുന്നു. രണ്ടാം പകുതിയിലെ 69 ആം മിനിറ്റിൽ കിട്ടിയ പെനാൽറ്റിയിൽ വിനീഷ്യസ് നേടിയ ഗോൾ നേടിയതോടെ ആണ് മത്സരം സമനിലയിൽ അവസാനിക്കാൻ കാരണമായത്. മത്സരത്തെ പറ്റി റയൽ പരിശീലകൻ കാർലോ അഞ്ചലോട്ടി സംസാരിച്ചിരുന്നു.

കാർലോ അഞ്ചലോട്ടി പറയുന്നത് ഇങ്ങനെ:

”ഞങ്ങളുടെ ആദ്യപകുതി മോശമായിരുന്നു. ഗോൾ കണ്ടെത്താൻ ഞങ്ങൾ വളരെയധികം ബുദ്ധിമുട്ടുന്നു. ഞങ്ങൾ മത്സരത്തിൽ ബുദ്ധിമുട്ടി എന്നത് ഒരു വസ്തുതയാണ്. ടീം സന്തുലിതമായിരുന്നില്ല. അതിവേഗത്തിലുള്ള മുന്നേറ്റങ്ങൾ നടത്താൻ കഴിഞ്ഞില്ല. ബോൾ തിരികെ പിടിക്കുന്നത് ഞങ്ങളെ സംബന്ധിച്ചിടത്തോളം ബുദ്ധിമുട്ടുള്ള കാര്യമായിരുന്നു. ടീമിനകത്ത് യാതൊരുവിധ ഇമ്പ്രൂവ്മെന്റും സംഭവിച്ചിട്ടില്ല എന്നത് വ്യക്തമായി. ഞങ്ങൾക്ക് എത്രയും പെട്ടെന്ന് ഇമ്പ്രൂവ് ആവേണ്ടതുണ്ട്. കഴിഞ്ഞ വർഷം ഉണ്ടായിരുന്ന സോളിഡിറ്റി ഇത്തവണ കണ്ടെത്താൻ കഴിയുന്നില്ല. ഞങ്ങൾ ഒരിക്കലും ഇത് ന്യായീകരിക്കില്ല. എത്രയും പെട്ടെന്ന് പുരോഗതി പ്രാപിക്കേണ്ടതുണ്ട്.

‘കാർലോ അഞ്ചലോട്ടി തുടർന്നു’:

എനിക്ക് വളരെ വ്യക്തമായ സ്ട്രാറ്റജി ഉണ്ട്. പക്ഷേ കളത്തിൽ അത് നടപ്പിലാകുന്നില്ല. ഞങ്ങൾ നല്ല രൂപത്തിൽ അല്ല പോകുന്നത് എന്നത് ഈ മൂന്നു മത്സരങ്ങളിൽ നിന്നും വളരെ വ്യക്തമായിട്ടുണ്ട്. ഞങ്ങളുടെ പ്രശ്നങ്ങൾ കൃത്യമായി തിരിച്ചറിഞ്ഞിട്ടുണ്ട്. ഉടൻ തന്നെ പരിഹാരം കാണും. ഈ മോശം പ്രകടനത്തിന്റെ ഉത്തരവാദിത്വം ഞാൻ ഏറ്റെടുക്കുന്നു “ഇതാണ് റയൽ കോച്ച് പറഞ്ഞിട്ടുള്ളത്.

ലാലിഗയിൽ കളിച്ച മൂന്ന് മത്സരങ്ങളിൽ രണ്ടെണ്ണവും റയൽ മാഡ്രിഡ് സമനിലയിൽ ആണ് കളി അവസാനിപ്പിച്ചത്. ഫ്രഞ്ച് താരമായ കൈലിയൻ എംബാപ്പയ്ക്ക് ഇന്നത്തെ മത്സരത്തിലും ഗോൾ നേടാൻ സാധിച്ചില്ല. ലാലിഗ തുടങ്ങിയിട്ട് മൂന്നു മത്സരങ്ങൾ കഴിഞ്ഞിട്ടും അദ്ദേഹത്തിന് തന്റെ ഗോൾ അക്കൗണ്ട് തുറക്കാൻ പറ്റിയില്ല എന്നത് ആരാധകർക്ക് ഇടയിൽ വൻ വിമർശനത്തിന് കാരണമായിട്ടുണ്ട്. നിലവിൽ റയൽ പോയിന്റ് പട്ടികയിൽ അഞ്ചാം സ്ഥാനത്താണ് നിൽക്കുന്നത്. അടുത്ത മത്സരത്തിൽ ബെറ്റിസാണ് മാഡ്രിഡിന്റെ എതിരാളികൾ.

Latest Stories

ഗവര്‍ണറുടെ നടപടി അംഗീകരിക്കാന്‍ കഴിയില്ല; ഭാരത മാതാവ് എന്നത് ചിത്രകാരന്റെ സങ്കല്‍പ്പമാണെന്ന് എംഎ ബേബി

കാനഡയില്‍ സംഘടിപ്പിക്കുന്ന ജി 7 ഉച്ചകോടിയില്‍ പ്രധാനമന്ത്രി നരേന്ദ്ര മോദി പങ്കെടുക്കും; ക്ഷണം പങ്കുവച്ച് നരേന്ദ്ര മോദി

പുതിയ ഒരു രാഷ്ട്രീയ പാര്‍ട്ടി രൂപീകരിക്കാന്‍ സമയമായില്ലേ? അഭിപ്രായ സര്‍വേയുമായി ഇലോണ്‍ മസ്‌ക്, പുതിയ രാഷ്ട്രീയ പാര്‍ട്ടി രൂപീകരിക്കുമെന്ന് റിപ്പോര്‍ട്ടുകള്‍

കിറ്റക്‌സിനെ ക്ഷണിക്കാന്‍ ആന്ധ്രപ്രദേശ് ടെക്സ്റ്റയില്‍സ് മന്ത്രി നേരിട്ടെത്തുന്നു; കൂടിക്കാഴ്ച കിഴക്കമ്പലം കിറ്റക്‌സ് ആസ്ഥാനത്ത്

നിലപാടിലുറച്ച് ഗവര്‍ണര്‍, ചിത്രം ഒരുകാരണവശാലും അവിടെ നിന്ന് മാറ്റില്ല; പ്രതിഷേധം ശക്തമാക്കാന്‍ ഒരുങ്ങി സിപിഐ

'വർഗീയ വിഷം കലർത്താന്‍ ശ്രമം, എല്ലാം വർഗീയമാക്കാൻ ചിലര്‍ ശ്രമിക്കുന്നു'; ബക്രീദ് അവധി വിവാദത്തിൽ എം വി ​ഗോവിന്ദൻ

'പ്രസാദം നല്‍കാമെന്ന് പറഞ്ഞ് തട്ടിയത് 3.85 കോടി'; അയോധ്യയിലെ രാമക്ഷേത്രത്തിന്റെ പേരില്‍ കോടികളുടെ തട്ടിപ്പ് നടത്തിയ പ്രതി പിടിയിൽ

പൊലീസിന്റെ ഭാഗത്ത് വീഴ്ച, നടപടി എടുത്ത് ഫെഫ്ക; സാന്ദ്രയ്‌ക്കെതിരെ വധഭീഷണി മുഴക്കിയ റെനി ജോസഫിന് സസ്‌പെന്‍ഷന്‍

നാല് മോഡലുകൾക്ക് 80,000 രൂപ വരെ കിഴിവ് പ്രഖ്യാപിച്ച് ഹ്യുണ്ടായ്..

അഖില്‍ അക്കിനേനി വിവാഹിതനായി; ചിത്രങ്ങള്‍