ധോണിയുടെ അവസാന സീസൺ ആയിരിക്കും എന്ന നിലയിൽ ഉള്ള വാർത്തകൾ പടരുന്നതിനാൽ തന്നെ ചെന്നൈക്ക് ഈ സീസൺ വളരെ പ്രധാനപെട്ടതാണ്. തങ്ങളുടെ നായകന് അവസാന സീസണിൽ ഒരു കിരീടത്തോട് കൂടി യാത്ര പറയുക എന്ന ലക്ഷ്യം ഉള്ളതിനാൽ ചെന്നൈ ലക്ഷ്യമിടുന്നത് കിരീടം മാത്രം. എന്തിരുന്നാലും തന്റെ അതിശയകരമായ തീരുമാനങ്ങളിലൂടെ ഞെട്ടിപ്പിക്കുന്ന ധോണി ഇ സീസണിൽ തന്നെ വിരമിക്കുമോ എന്നുള്ളതും സംശയമുള്ള കാര്യമാണ്.
ധോണിയുടെ അവസാന സീസണിനെക്കുറിച്ച് ചോദിച്ചപ്പോൾ രോഹിത് പറഞ്ഞ മറുപടി ഇങ്ങനെ- അവസാന സീസൺ ആണല്ലേ? എനിക്ക് അറിയില്ല. ഞാൻ ഇതൊക്കെ 2 – 3 വർഷമായി കേൾക്കുന്നതാണ്. ധോണിക്ക് ഇനിയും കുറച്ച് കൊല്ലങ്ങൾ കൂടി കളിക്കാമെന്ന് തോന്നുന്നു. എന്തായാലും രോഹിതിന്റെ മറുപടി ആരാധകർ ഏറ്റെടുത്ത് കഴിഞ്ഞു,
ഐ‌പി‌എൽ 2023 ന്റെ ഉദ്ഘാടന മത്സരത്തിൽ, ധോണിയുടെ സി‌എസ്‌കെ വെള്ളിയാഴ്ച നിലവിലെ ചാമ്പ്യന്മാരായ ഗുജറാത്ത് ടൈറ്റൻസുമായി അഹമ്മദാബാദിലെ പ്രശസ്തമായ നരേന്ദ്ര മോദി സ്റ്റേഡിയത്തിൽ ഏറ്റുമുട്ടും. കഴിഞ്ഞ സീസണിനെ അപേക്ഷിച്ച് ഈ ഈ സീസണിൽ മികച്ച പ്രകടനമാണ് ചെന്നൈ ലക്ഷ്യമിടുന്നത്
