അടുത്ത വർഷം നടക്കാൻ പോകുന്ന ടി 20 ലോകകപ്പിനായുള്ള ഇന്ത്യൻ സ്ക്വാഡിനെ പ്രഖ്യാപിച്ച് ബിസിസിഐ. ആരാധകർക്ക് ആവേശമായി മലയാളി താരം സഞ്ജു സാംസൺ ആദ്യ വിക്കറ്റ് കീപ്പറായി ടീമിൽ ഇടം നേടി. സൂര്യകുമാർ യാദവ് നയിക്കുന്ന ടീമിൽ അക്സർ പട്ടേലാണ് വൈസ് ക്യാപ്റ്റൻ. എന്നാൽ യുവ താരം ശുഭ്മൻ ഗില്ലിനു സ്ക്വാഡിൽ ഇടം നേടാനായില്ല. ഇതിനെ കുറിച്ച് സംസാരിച്ചിരിക്കുകയാണ് അജിത് അഗാർക്കറും സൂര്യകുമാർ യാദവും.
“ഗില് മികവുറ്റ കളിക്കാരനാണ് നമുക്കെല്ലാവര്ക്കും അറിയാം. പക്ഷെ ഇപ്പോള് റണ്സടിക്കുന്നതില് അല്പം പുറകിലാണ്. കഴിഞ്ഞ ലോകകപ്പിലും ഗില്ലിന് കളിക്കാനാവാതിരുന്നത് നിര്ഭാഗ്യകരമായിരുന്നു. പക്ഷെ ലോകകപ്പിന് മുമ്പ് വ്യത്യസ്ത കോംബിനേഷന് പരീക്ഷിക്കുന്നതിന്റെ ഭാഗമായാണ് ഗില്ലിന് ടോപ് ഓര്ഡറില് വീണ്ടും അവസരം നല്കിയത്. ശരിയായ ടീം കോംബിനേഷന് തെരഞ്ഞെടുക്കേണ്ടിവന്നപ്പോള് ഗില്ലിന് ടീമിൽ സ്ഥാനം നഷ്ടമായി” അഗാർക്കർ പറഞ്ഞു.
ഫോം ഔട്ടായതുകൊണ്ടല്ല ഗില്ലിനെ ഒഴിവാക്കിയതെന്ന് ഇന്ത്യൻ ക്യാപ്റ്റൻ സൂര്യകുമാര് യാദവും ആവര്ത്തിച്ചു. ടീം കോംബിനേഷനാണ് ഗില്ലിന്റെ പുറത്താകലിന് പ്രധാന കാരണമായത്. ടോപ് ഓര്ഡറില് ബാറ്റ് ചെയ്യാന് കഴിയുന്ന ഒരു കീപ്പറെയായിരുന്നു ടീമിന് ആവശ്യം. അതാണ് സഞ്ജുവിന് മുൻഗണന ലഭിച്ചതെന്നും സൂര്യ പറഞ്ഞു.