ഇന്ത്യ ബംഗ്ലദേശ് രണ്ടാം ടെസ്റ്റിന്റെ രണ്ടാം ദിനത്തില് ഇന്ത്യന് ഇന്നിംഗ്സ് പുരോഗമിക്കവേ ഗ്രൗണ്ടില് നാടകീയ രംഗങ്ങള്. ബാറ്റിംഗിനിടെ റിഷഭ് പന്തിനെ വിരാട് കോഹ്ലി നോക്കി വിരട്ടിയതാണ് വൈറലായിരിക്കുന്നത്. ലഞ്ചിനു ശേഷം മത്സരം ആരംഭിച്ചപ്പോഴായിരുന്നു സംഭവം.
പന്തുമായുള്ള ആശയക്കുഴപ്പത്തില് റണ്ണൗട്ടില്നിന്ന് കഷ്ടിച്ച് രക്ഷപ്പെട്ടതിന് പിന്നാലെയായിരുന്നു കോഹ്ലിയുടെ വിരട്ടല്. റണ്ണൗട്ട്ില്നിന്ന് രക്ഷപ്പെടാന് കോഹ് ലിയ്ക്ക് ക്രീസിലേക്ക് നീളന് ഡൈവ് തന്നെ ചെയ്യേണ്ടിവന്നു. കഷ്ടിച്ചാണ് താരം വിക്കറ്റ് പോകാതെ രക്ഷപ്പെട്ടത് ഇതിന് പിന്നാലെയായിരുന്നു കോഹ്ലി പന്തിനെ ദേഷ്യത്തോടെ തുറിച്ചുനോക്കിയത്.
പിന്നീട് അധികം വൈകാതെ താരം പുറത്താവുകയും ചെയ്തു. ടസ്കിന്റെ പന്തില് വിക്കറ്റ് കീപ്പര് നൂറുല് ഹസന് ക്യാച്ചെടുത്താണ് കോഹ്ലി പുറത്തായത്. 73 പന്തില് 24 റണ്സായിരുന്നു താരത്തിന്റെ സമ്പാദ്യം.
ഒടുവില് വിവരം ലഭിക്കുമ്പോള് ഇന്ത്യ നാല് വിക്കറ്റ് നഷ്ടത്തില് 226 റണ്സെന്ന നിലയിലാണ്. 86* റണ്സുമായി പന്തും 58* റണ്സുമായി ശ്രേയസ് അയ്യരുമാണ് ക്രീസില്.