സൂര്യകുമാർ യാദവ്- ഇന്ത്യൻ ടീമിനായി കളിക്കാൻ തുടങ്ങിയിട്ട് വളരെ കുറച്ചുകാലം മാത്രമേ ആയിട്ടുള്ളു എങ്കിലും ഒരുപാട് ആരാധകരെ സഭാധിച്ചിട്ടുണ്ട്. ടി20 ക്രിക്കറ്റിൽ ലോകത്തിലെ ഏറ്റവും മികച്ച ബാറ്റ്സ്മാൻ എന്ന പേര് പേര് ചുരുങ്ങിയ കാലം കൊണ്ട് സമ്പാദിക്കാൻ താരത്തിനായി. എന്നാൽ ടി20 യൊഴികെ മറ്റൊരു ഫോര്മാറ്റിലും ക്ലച്ച് പിടിക്കാൻ താരത്തിന് സാധിച്ചല്ല എന്നത് ശ്രദ്ധിക്കേണ്ട കാര്യമാണ്. ഇന്നലെ നടന്ന മത്സരത്തിലും റൺ ഒന്നും എടുക്കാതെ മടങ്ങിയ സൂര്യ പരമ്പരയിലെ മൂന്ന് മത്സരങ്ങളിലും ഗോൾഡൻ ഡക്കായിട്ടാണ് പുറത്തായത്. ഇങ്ങനെ തുടർച്ചയായി മൂന്ന് പ്രാവശ്യം ഏകദിനങ്ങളിൽ പൂജ്യത്തിന് പുറത്താകുന്ന ആദ്യ ഇന്ത്യൻ ബാറ്റ്സ്മാനുമായി സൂര്യ മാറി.
ഏകദിനത്തിലും, ടെസ്റ്റിലുമൊക്കെ താരത്തിന് എന്നൊക്കെ അവസരം നൽകിയിട്ടുണ്ടോ അന്നൊക്കെ താരം ദുരന്തമായി തീർന്നിട്ടുമുണ്ട്. ഓസ്‌ട്രേലിയക്ക് എതിരായ ഏകദിന പരമ്പര താരത്തിന് അതിനിര്ണായകം ആയിരുന്നു. കാരണം ലോകകപ്പിൽ ടീമിലിടം കിട്ടണമെങ്കിൽ അത് അത്യാവശ്യം ആയിരുന്നു. എന്നാൽ പരമ്പരയിലെ അതി ദയനീയ പ്രകടനത്തോടെ സൂര്യകുമാറിന് പകരം സഞ്ജു ടീമിൽ വേണം എന്ന ആവശ്യം ശക്തമായിരിക്കുകയാണ്.
സഞ്ജു എങ്ങാനുമാണ് സൂര്യയുടെ സ്ഥാനത്ത് എങ്കിൽ ഒന്ന് ആലോചിക്കുക. അയാൾ ഒരു മത്സരത്തിൽ നിന്ന് ഇത്തരത്തിൽ പുറത്താകുമ്പോൾ തന്നെ ടീമിൽ നിന്ന് പുറത്താകും. കുറച്ച് പേരോട് കൂടുതൽ സ്നേഹം എന്ന ബിസിസിഐ രീതി മാറ്റി സഞ്ജുവിനൊക്കെ അവസരം കൊടുത്താൽ അത് ടീമിന് ഗുണം ചെയ്യും. അല്ലെങ്കിൽ കൂടുതൽ കൂടുതൽ ഗോൾഡൻ ഡക്കുമായി സൂര്യ വരുമ്പോൾ അതും കണ്ട് ഇരിക്കാം.