പാകിസ്ഥാൻ, ഇന്ത്യൻ ക്രിക്കറ്റ് താരങ്ങൾക്ക് ഒരുമിച്ചുള്ള പരമ്പരകൾ കളിക്കാൻ താത്പര്യവും ആഗ്രഹവും ഉണ്ടെന്ന് പറയുകയാണ് പാകിസ്ഥാൻ താരം മുഹമ്മദ് റിസ്‌വാൻ. താരങ്ങളോട് സംസാരിച്ചപ്പോൾ തനിക്കത് മനസിലായെന്നും റിസ്‌വാൻ പറഞ്ഞു
സമീപ വർഷങ്ങളിൽ ഇരു അയൽ രാജ്യങ്ങളും ഐസിസി ടൂർണമെന്റുകളിൽ ഏറ്റുമുട്ടിയിട്ടില്ല, അവർ അവസാനമായി ഒരു ഉഭയകക്ഷി പരമ്പര കളിച്ചത് ഏകദേശം ഒരു ദശകം മുമ്പാണ്. ഇന്ത്യയിൽ നടന്ന ഏകദിന പരമ്പര പാകിസ്ഥാൻ 2-1ന് സ്വന്തമാക്കിയപ്പോൾ ടി20 പരമ്പര 1-1ന് അവസാനിച്ചു.
“പാകിസ്ഥാനിലെയും ഇന്ത്യയിലെയും ക്രിക്കറ്റ് താരങ്ങൾ പരസ്പരം കളിക്കാൻ ആഗ്രഹിക്കുന്നു, പക്ഷേ രാഷ്ടിയവും ആഭ്യന്തര വിഷയങ്ങളുമാണ് എല്ലാം നശിപ്പിക്കുന്നത്.”
ഇങ്ങനെ ഒരു സാഹചര്യം ഉള്ളതുകൊണ്ട് തന്നെ പാകിസ്ഥാൻ താരങ്ങൾക്ക് ഐ.പി.എൽ കളിക്കാൻ അനുവാദമില്ല. ഗാംഗുലി ബിസിസിഐയുടെ തലപ്പത്തും റമീസ് രാജ പാകിസ്ഥാൻ ബോർഡ് തലപ്പത്തും ഇരിക്കുന്നതിനാൽ പരമ്പരകൾ നടക്കുമെന്ന് പ്രതീക്ഷിച്ചിരുന്നെങ്കിലും ആഭ്യന്തര സാഹചര്യങ്ങൾ അതിന് അനുവദിക്കുന്നില്ല.
“ഞാൻ പൂജാരയുമായി ക്രിക്കറ്റുമായി ബന്ധപ്പെട്ട് ചർച്ചകൾ നടത്തുകയും അദ്ദേഹത്തിൽ നിന്ന് ഒരുപാട് കാര്യങ്ങൾ പഠിക്കുകയും ചെയ്തു. കളിക്കാർ എന്ന നിലയിൽ ഞങ്ങൾ വ്യത്യസ്തരല്ല, ഞങ്ങൾ ഒരു ക്രിക്കറ്റ് കുടുംബമാണ്” റിസ്‌വാൻ ഇഷ്ട താരത്തെക്കുറിച്ച് പറഞ്ഞു.