ഡെത്ത് ഓവറുകളിലെ മോശം പ്രകടനത്തിന്റെ പേരില്‍ ഏറെ വിമര്‍ശനങ്ങള്‍ നേരിട്ടു കൊണ്ടിരിക്കുന്ന ഇന്ത്യന്‍ പേസര്‍ ഭുവനേശ്വര്‍ കുമാറിനു പിന്തുണയുമായി മുന്‍ താരം എസ്. ശ്രീശാന്ത്. ചില സമയങ്ങളില്‍ മികച്ച ബോളുകള്‍ എറിഞ്ഞാല്‍പ്പോലും തല്ലു കിട്ടാന്‍ 60-70 ശതമാനം വരെ സാധ്യതയുണ്ടെന്നും ബാറ്റിംഗില്‍ ദിനേശ് കാര്‍ത്തിക്കിനു പിന്തുണ നല്‍കുന്നതു പോലെ നമ്മള്‍ ഭുവനേശ്വര്‍ കുമാറിനെ പിന്തുണച്ചേ തീരൂവെന്നും ശ്രീശാന്ത് പറഞ്ഞു.
ബോള്‍ സ്വിംഗ് ചെയ്യിക്കാനുള്ള അദ്ദേഹത്തിന്റെ കഴിവിലും അനുഭവസമ്പത്തിലും എനിക്കു വളരെയധികം ആത്മവിശ്വാസമുണ്ട്. ബാക്ക് ഓഫ് ലെങ്ത്ത് സ്ലോവര്‍ ബോളും നക്ക്ള്‍ ബോളുമെല്ലാം ഭുവിയുടെ പക്കലുണ്ട്. കാഠിന്യമുള്ള ബൗണ്‍സി വിക്കറ്റുകളില്‍ പേസില്‍ വ്യതിയാനം വരുത്തിയാല്‍ ഓസ്ട്രേലിയന്‍ പിച്ചുകളില്‍ നല്ല സഹായം ലഭിക്കും.
ഞാന്‍ പറയുന്നത് ഭുവനേശ്വര്‍ കുമാര്‍ കേള്‍ക്കുന്നുണ്ടെങ്കില്‍, മിക്കപ്പോഴും അതുണ്ടാവാറില്ല. എനിക്ക് ഒരു അപേക്ഷ മാത്രമേ നിങ്ങളോടുള്ളൂ. സ്വന്തം കഴിവുകളില്‍ വിശ്വസിക്കുന്നത് ഒരിക്കലും നിര്‍ത്തരുതെന്നാണ് എനിക്കു ഭുവിയോടു പറയാനുള്ളത്.
എല്ലാവരും പറഞ്ഞുകൊണ്ടിരിക്കുന്നത് ഭുവിയുടെ 19ാം ഓവറുകളെക്കുറിച്ചാണ്. പക്ഷെ ഓസ്ട്രേലിയയില്‍ അദ്ദേഹം വരളരെ നന്നായി പെര്‍ഫോം ചെയ്യുമെന്നു എനിക്കുറപ്പുണ്ടെന്നും ശ്രീശാന്ത് പറഞ്ഞു.