ഐപിഎല്‍ 17ാം സീസണിലെ തുടര്‍ച്ചയായ മൂന്ന് തോല്‍വികള്‍ക്ക് ശേഷം, ഞായറാഴ്ച ഡല്‍ഹി ക്യാപിറ്റല്‍സിനെ 29 റണ്‍സിന് പരാജയപ്പെടുത്തി മുംബൈ ഇന്ത്യന്‍സ് ആദ്യ വിജയം നേടി. എന്നിരുന്നാലും, മത്സരത്തില്‍ ഒരു ഓവര്‍ പോലും എറിയാതിരിക്കാനുള്ള ഹാര്‍ദിക് പാണ്ഡ്യയുടെ തീരുമാനമായിരുന്നു ആരാധകരുടെയും വിദഗ്ധരുടെയും ശ്രദ്ധ ആകര്‍ഷിച്ച ഒരു പ്രധാന ആശങ്ക.
നേരത്തെ ജിടിയ്ക്കെതിരായ അവരുടെ ആദ്യ മത്സരത്തില്‍ എംഐയ്ക്കായി ബൗളിംഗ് ഓപ്പണ്‍ ചെയ്യുകയും പിന്നീട് ഹൈദരാബാദില്‍ നടന്ന അവരുടെ തുടര്‍ന്നുള്ള മത്സരത്തില്‍ ഫസ്റ്റ് ചേഞ്ച് ബൗളറാവുകയും ചെയ്ത ഹാര്‍ദിക്, ടീമിന്റെ അവസാന രണ്ട് മത്സരങ്ങളില്‍ ബോളിംഗില്‍ നിന്ന് വിട്ടുനിന്നു. ഇത് ഫിറ്റ്നസ് പ്രശ്നമാകുമോ എന്ന ആശങ്ക ഉയര്‍ത്തിയിട്ടുണ്ട്.
ക്യാപിറ്റല്‍സിനെതിരായ വിജയത്തെ തുടര്‍ന്നുള്ള മത്സരത്തിന് ശേഷമുള്ള അവതരണത്തിനിടെ എംഐ നായകനോട് ഇക്കാര്യം ചോദിച്ചു. ബൗള്‍ ചെയ്യാത്തതിന്റെ കാരണം വിശദീകരിച്ചില്ലെങ്കിലും താന്‍ ഫിറ്റാണെന്ന് ഹാര്‍ദിക് പറഞ്ഞു.
എനിക്ക് പരിക്കില്ല. പന്തെറിയേണ്ട സാഹചര്യമുണ്ടെങ്കില്‍ മാത്രമെ ഞാന്‍ പന്തെറിയൂ. ഡല്‍ഹിക്കെതിരെ ഞാനെറിയാതെ തന്നെ നല്ല രീതിയില്‍ മുന്നോട്ട് പോയി. എന്റെ ആവശ്യം ഉണ്ടായിരുന്നില്ല. വേണമെന്ന് തോന്നുമ്പോള്‍ കൃത്യമായ സമയത്ത് ഞാന്‍ പന്തെറിയും- ഹാര്‍ദിക് വ്യക്തമാക്കി.