ഇന്ത്യയിൽ നടക്കുന്ന അഞ്ച് മത്സരങ്ങളുള്ള ടെസ്റ്റ് പരമ്പരയിൽ ‘ബാസ്ബോൾ’ സമീപനം വിജയത്തിലേക്ക് നയിക്കുമെന്ന് ഇംഗ്ലണ്ട് കറുത്തരുതെന്ന് മുൻ ഇന്ത്യൻ സ്പിന്നർ പ്രഗ്യാൻ ഓജ പറഞ്ഞു. എന്നിരുന്നാലും, ഇന്ത്യയിൽ സാഹചര്യങ്ങൾ വ്യത്യസ്തമാകുമെന്നും സന്ദർശക ടീമിന് ഇന്ത്യൻ പര്യടനത്തിനായി ഒരു ബാക്കപ്പ് പ്ലാൻ ഉണ്ടായിരിക്കണമെന്നും ബെൻ സ്റ്റോക്‌സിന്റെ നേതൃത്വത്തിലുള്ള ടീമിന് ഓജ മുന്നറിയിപ്പ് നൽകി.
കളി രസകരമാക്കാനും ഫലത്തിനായി പ്രേരിപ്പിക്കാനും ഇംഗ്ലണ്ട് ബാറ്റർമാർ ആക്രമണാത്മകമായി കളിക്കാനുള്ള സാധ്യതകൾ കൂടുതലാണ്. എന്നിരുന്നാലും, അവരുടെ സമീപനം ഇന്ത്യയിൽ അപകടകരമാണെന്ന് മുൻ ഇന്ത്യൻ താരം പറഞ്ഞു. ബാസ്ബോൾ രീതി അവലംബിച്ച് ഇംഗ്ലണ്ട് വിജയിച്ചിട്ടുണ്ടെങ്കിലും, വരാനിരിക്കുന്ന പരമ്പരയിൽ ഇന്ത്യയെ കുഴപ്പത്തിലാക്കാൻ അവർ വ്യത്യസ്ത തന്ത്രങ്ങൾ ആവിഷ്കരിക്കണം എന്നും താരം ഉപദേശിക്കുന്നു.
ഉപഭൂഖണ്ഡത്തിലെ കഠിനമായ സാഹചര്യങ്ങൾക്കിടയിലും പാകിസ്ഥാനിൽ നടന്ന ടെസ്റ്റ് പരമ്പരയിൽ ഇംഗ്ലണ്ട് 3-0 ന് വിജയിച്ചു. ഏഷ്യയിൽ പാക്കിസ്ഥാനെ വൈറ്റ് വാഷ് ചെയ്യുന്ന ആദ്യ ടീമായി അവർ മാറി.
എന്നിരുന്നാലും, സ്പിൻ സൗഹൃദ വിക്കറ്റുകൾക്ക് പേരുകേട്ട രാജ്യമായ ഇന്ത്യയിലായിരിക്കും അവരുടെ യഥാർത്ഥ പരീക്ഷണം. “ഇംഗ്ലണ്ട് ആത്മവിശ്വാസത്തിലാണ്, പക്ഷേ എതിരാളി പാകിസ്ഥാനല്ല ഇന്ത്യൻ. പാക്കിസ്ഥാനിൽ ഉണ്ടായിരുന്നതിനേക്കാൾ വ്യത്യസ്തമായിരിക്കും ഇന്ത്യയിലെ സാഹചര്യങ്ങൾ. അതിനാൽ ഇംഗ്ലണ്ട് ഏറ്റവും മികച്ച പ്രകടനം നടത്തി ഇല്ലെങ്കിൽ ജയിക്കില്ല, ”പ്രഗ്യാൻ ഓജ ജിയോസിനിമയിൽ പറഞ്ഞു.