അർഷ്ദീപ് സിംഗ് ഇപ്പോഴും ഉയർന്ന തലത്തിൽ കളിക്കാൻ തയ്യാറായിട്ടില്ലെന്ന് മുൻ ഇന്ത്യൻ ക്രിക്കറ്റ് താരം ആകാശ് ചോപ്ര. മെൻ ഇൻ ബ്ലൂവിന്റെ വെസ്റ്റ് ഇൻഡീസ് പര്യടനത്തിലും അടുത്തിടെ സമാപിച്ച ഏഷ്യാ കപ്പിലും ഇടംകൈയ്യൻ സീമർ എല്ലാ മത്സരങ്ങളും കളിച്ചു. എന്നാൽ ഹർഷൽ പട്ടേലിന്റെയും ജസ്പ്രീത് ബുംറയുടെയും തിരിച്ചുവരവോടെ വലിയ മത്സരമായിരിക്കും സ്ഥാനത്തിനായി നടക്കാൻ പോകുന്നത്.
അർഷ്ദീപ് സിംഗിന് മുന്നോടിയായി ഡെത്ത് ഓവറിൽ ബുംറയ്‌ക്കൊപ്പം ഹർഷലിനെ പങ്കാളിയാക്കണമെന്ന് ചൂണ്ടിക്കാട്ടി ആകാശ് ചോപ്ര തന്റെ യൂട്യൂബ് ചാനലിൽ പറഞ്ഞു:
“ഐ‌പി‌എല്ലിലും ഉപഭൂഖണ്ഡത്തിലെ പിച്ചുകളിലും ഹർഷൽ പട്ടേൽ തന്റെ കഴിവ് തെളിയിച്ചിട്ടുണ്ട്. ഒരു ഇന്നിംഗ്‌സിലെ ഏറ്റവും കഠിനമായ ഓവറുകളാണ് അദ്ദേഹം എറിയുന്നത്. ഒരു ഇന്നിംഗ്‌സിന്റെ അവസാനം പരിക്കിന് ശേഷം മൂന്നോ നാലോ ഓവർ ബൗൾ ചെയ്യാൻ അദ്ദേഹത്തിന് കഴിയുമോ എന്നത് ഒരു വലിയ ചോദ്യമാണ്.”
ചോപ്ര കൂട്ടിച്ചേർത്തു:
“അർഷ്ദീപ് അല്ലെങ്കിൽ ഹർഷൽ എന്നിവരിൽ ആരെങ്കിലും കളിക്കും, സത്യം പറഞ്ഞാൽ അർഷ്ദീപ് തയ്യാറാണെന്ന് ഞാൻ കരുതുന്നില്ല.”
ടി20 ലോകകപ്പിന് ശേഷം ഹർഷലിനെ ദേശീയ ടീമിലേക്ക് വിളിക്കാൻ കാരണം തന്നെ അദ്ദേഹത്തിന്റെ ഡെത്ത് ബൗളിംഗ് മികവ് കണ്ടിട്ടാണ്. 8.58 എന്ന ഇക്കോണമിയിൽ 17 മത്സരങ്ങളിൽ നിന്ന് 22 വിക്കറ്റുകൾ അദ്ദേഹം വീഴ്ത്തി, ഇംഗ്ലണ്ട് പര്യടനത്തിനിടെയാൻ അവസാനം കളിച്ചത്. അതിന് ശേഷം പരിക്ക് കാരണത്തെ ഏഷ്യ കപ്പിൽ നിന്നുൾപ്പടെ താരം പുറത്തായി.”