തിരിച്ചെത്തുന്ന ജോഫ്ര ആർച്ചറിനെതിരെ ഉയർന്ന പ്രതീക്ഷകൾ സൂക്ഷിക്കുന്നതിനെതിരെ ഇംഗ്ലണ്ട് വൈറ്റ് ബോൾ ക്യാപ്റ്റൻ ജോസ് ബട്ട്ലർ മുന്നറിയിപ്പ് നൽകി രംഗത്ത് എത്തുക ആയിരുന്നു. സൗത്ത് ആഫ്രിക്കൻ ലീഗിലൂടെ വർഷങ്ങൾക്ക് ശേഷം താരം ഒരു തിരിച്ചുവരവ് നടത്തിയിരിക്കുന്നത്.
മുംബൈ ഇന്ത്യൻസ് കേപ്ടൗണിനായി തന്റെ കളിക്കുന്ന ആർച്ചർ, ദീർഘകാലമായി കൈമുട്ടിന് പരിക്കേറ്റ് കരിയർ പോലും നഷ്ടപെട്ട അവസ്ഥയിലാണ്. 2021 ജൂലൈയ്ക്ക് ശേഷം പ്രൊഫഷണൽ ക്രിക്കറ്റിലെ ആദ്യ മത്സരമാണ് SA20.
താരം കളത്തിൽ സജീവമാകുന്നതുമായി ബന്ധപ്പെട്ട് ബട്ട്ലർ പറഞ്ഞു:
“ജോഫ്രയെപ്പോലെ ഒരാളെ ടീമിലേക്ക് തിരികെ വരുന്നത് ആവേശകരമാണ്. SA20 യിൽ ഞാൻ അവനെതിരെ കളിച്ചപ്പോൾ അവൻ മികച്ച ഷേപ്പിലാണ് എന്ന് മനസിലായി ഇത്രയും നാളുകൾക്ക് ശേഷം അയാൾക്ക് തിരിച്ചുവരുന്നത് അവിശ്വസനീയമാംവിധം കഠിനമായിരുന്നു. അവൻ നന്നായി കളിച്ച് ട്രാക്കിൽ എത്തിയെങ്കിലും ഉടനെ അവിശ്വസനീയമായ രീതിയിൽ ഉള്ള പ്രകടനം പ്രതീക്ഷിക്കരുത്.”
ഏകദിന ലോകകപ്പും ആഷസും അടുത്ത് വരുന്നതിനാൽ ആർച്ചർ ഉള്ളത് ടീമിന് കൂടുതൽ കരുത്ത് പകരും.