സൗദിയില് പുതുതായി 3938 പേര്ക്ക് കൂടി കോവിഡ് സ്ഥിരീകരിച്ചതായി സൗദി ആരോഗ്യ മന്ത്രാലയം അറിയിച്ചു. ഇതോടെ സൗദിയിലെ ആകെ കോവിഡ് രോഗികളുടെ എണ്ണം 1,74,557 ആയി വര്ദ്ധിച്ചു. അതേസമയം, കോവിഡ് സുഖപ്പെട്ടവരുടെ എണ്ണം 1,20,471 ആയി.
കഴിഞ്ഞ 24 മണിക്കൂറിനിടയില് 2589 രോഗികള് സുഖം പ്രാപിച്ചു. കോവിഡ് ബാധിച്ച് 46 പേരാണ് ഇന്നലെ മരിച്ചത്. ഇതോടെ മൊത്തം മരണസംഖ്യ 1474 ആയി ഉയര്ന്നു. 52,632 രോഗികളാണ് വിവിധ കേന്ദ്രങ്ങളില് ചികിത്സയില് ഉള്ളത്. ഇതില് 2273 പേര് ഗുരുതരാവസ്ഥയില് തീവ്രപരിചരണ വിഭാഗത്തിലാണ്.
റിയാദ്, ജിദ്ദ, മക്ക, മദീന, ഹുഫൂഫ്, അല്മുബറസ്, ദമ്മാം, ഖത്വീഫ്, ത്വാഇഫ്, മഹായില് എന്നിവിടങ്ങളിലാണ് അടുത്തിടെ മരണം റിപ്പോര്ട്ട് ചെയ്തത്.