അടുത്ത പേരുമാറ്റത്തിനൊരുങ്ങി യോഗി ആദിത്യനാഥ് സർക്കാർ. സുൽത്താൻപുർ നഗരത്തിൻറെ പേര് മാറ്റി കുശ് ഭവൻപുർ എന്നാക്കാനാണ്യു.പി സർക്കാരിൻറെ നീക്കം. നേരത്തെ മിയാഗഞ്ച്, അലിഗഢ് നഗരങ്ങളുടെ പേരുകൾ നേരത്തെ മാറ്റിയിരുന്നു.
പുരാണത്തിലെ രാമന്‍റെ പുത്രന്‍റെ പേരാണ് കുശൻ. പേരുമാറ്റം സംബന്ധിച്ച് നിർദേശം സംസ്ഥാന സർക്കാരിന് അയച്ചിട്ടുണ്ടെന്നും മന്ത്രിസഭ അംഗീകാരത്തിനായി കാത്തിരിക്കുകയാണെന്നും റവന്യൂ ബോർഡിലെ മുതിർന്ന ഉദ്യോഗസ്ഥൻ അറിയിച്ചു.
ലാംഭുവയിലെ (സുൽത്താൻപുർ) എം.എൽ.എയായ ദേവമണി ദ്വിവേദി നിയമസഭയിൽ പേരുമാറ്റ വിഷയം ഉന്നയിച്ചിരുന്നു.
പേരുമാറ്റം അഗീകരിച്ചാൽ യു.പിയിൽ യോഗി ആദിത്യനാഥ് സർക്കാർ പേരുമാറ്റുന്ന മൂന്നാമത്തെ നഗരമാകും സുൽത്താൻപുർ. നേരത്തേ, ഫൈസാബാദിനെ അയോദ്ധ്യയെന്നും അലഹാബാദിനെ പ്രയാഗ്രാജെന്നും മാറ്റിയിരുന്നു. മുൻ കേന്ദ്രമന്ത്രി മനേക ഗാന്ധിയുടെ ലോക്സഭ മണ്ഡലമാണ് സുൽത്താൻപുർ.