'സ്ത്രീകൾക്ക് പ്രതിമാസം രണ്ടായിരം രൂപ, വീടില്ലാത്തവർക്ക് സർക്കാർ സ്ഥലം വാങ്ങി കോൺക്രീറ്റ് വീടുകൾ നൽകും'; തമിഴ്നാട്ടിൽ ആദ്യഘട്ട തിരഞ്ഞെടുപ്പ് പ്രകടന പത്രിക പുറത്തുവിട്ട് അണ്ണാ ഡിഎംകെ

തമിഴ്നാട്ടിൽ ആദ്യഘട്ട തിരഞ്ഞെടുപ്പ് പ്രകടന പത്രിക പുറത്തുവിട്ട് അണ്ണാ ഡിഎംകെ. സ്ത്രീകൾക്ക് പ്രതിമാസം രണ്ടായിരം രൂപ നൽകും. അമ്മ ഇല്ലം പദ്ധതി പ്രകാരം സ്വന്തമായി വീടില്ലാത്തവർക്ക് സർക്കാർ സ്ഥലം വാങ്ങി കോൺക്രീറ്റ് വീടുകൾ നൽകും. തൊഴിലുറപ്പ് പദ്ധതിയിലെ ജോലിദിനങ്ങൾ 125 ൽ നിന്ന് 150 ആയി ഉയർത്തും. അമ്മ ഇരുചക്ര വാഹന പദ്ധതിയിലൂടെ അഞ്ച് ലക്ഷം സ്ത്രീകൾക്ക് സ്കൂട്ടറുകൾ നൽകും. 25,000 രൂപ സബ്സിഡി നിരക്കിലാകും വാഹനങ്ങൾ നൽകുക. പുരുഷന്മാർക്കും ബസുകളിൽ സൌജന്യ യാത്ര ഏർപ്പെടുത്തും. എൻഡിഎയിലേക്ക് കൂടുതൽ കക്ഷികൾ എത്തുമെന്നും എഐഎഡിഎംകെ ജനറൽ സെക്രട്ടറി എടപ്പാടി പളനിസാമി പറഞ്ഞു.