ഇന്ത്യന് ഭൂവിഭാഗങ്ങള് ഉള്പ്പെടുത്തി ചൈന പുതിയ ഭൂപടം പുറത്തുവിട്ടു അരുണാചല് പ്രദേശ്, അക്സായ് ചിന്, തയ്വാന്, ദക്ഷിണ ചൈനാക്കടല് എന്നിവയുള്പ്പെടുന്ന ഭൂവിഭാഗങ്ങള് ചൈനയുടേതാക്കി ച്ിത്രീകരിച്ചാണ് പുതിയ ഭൂപടം പുറത്തുവിട്ടത്.ചൈനീസ് സര്ക്കാരിന്റെ മാധ്യമമായ ഗ്ളോബല് ടൈംസാണ് ഈ വിവരം പുറത്ത് വിട്ടത്.
അരുണാചല് പ്രദേശിനെ ചൈന ദക്ഷിണ ടിബറ്റ് എന്നാണ് വിളിച്ചുവരുന്നത്. അതോടൊപ്പം 1962 ലെ യുദ്ധത്തില് പിടിച്ചെടുത്ത അക്സായി ചിന് പ്രദേശവും ഭൂപടത്തിലുണ്ട്. പരമാധികാര രാഷ്ട്രമെന്ന് അവകാശപ്പെടുന്ന തയ്വാനും ഭൂപടത്തില് സ്ഥാനം പിടിച്ചിട്ടുണ്ട്. ഈ പ്രദേശങ്ങളുടെ അവകാശ വാദം തങ്ങള് ഒരിക്കലും ഉപേക്ഷിക്കില്ലന്ന സൂചന നല്കാന് ചൈന ഇടക്കിടെ ഇത്തരം ഭൂപടങ്ങള് പുറത്തുവിടാറുണ്ട്.
ഇതിനിടയില് ഇന്ത്യയുടെ 2000 ചതുരശ്ര കിലോമീറ്റര് പ്രദേശം ചൈന കൈയടക്കി വച്ചിരിക്കുന്ന സാഹചര്യത്തില് പ്രസിഡന്റ് ഷീ ജിന്പിങ്ങിനെ ജി-20 ഉച്ചകോടിയിലേക്ക് ബി.ജെ.പി. സര്ക്കാര് വിളിക്കണമോ എന്ന ചോദ്യവുമായി കോണ്ഗ്രസ് വക്താവ് മനീഷ് തിവാരി രംഗത്തെത്തിയിട്ടുണ്ട്. കനത്ത പ്രതിഷേധമാണ് ഈ നടപടിക്കെതിരെ ഇന്ത്യയില് ഉയര്ന്നിരിക്കുന്നത്.
എന്നാല് ഇത്തരം പ്രവൃത്തികള് ചൈനയുടെ ശീലമാണെന്നും മറ്റു രാജ്യങ്ങളുടെ പ്രദേശങ്ങള് ഉള്പ്പെടുത്തി മാപ്പ് പുറത്തിറക്കുന്നതുകൊണ്ട് പ്രത്യേകിച്ച് പ്രയോജനമൊന്നുമില്ലന്നും വിദേശകാര്യമന്ത്രി ജയശങ്കര് വ്യക്തമാക്കി