ആഡംബര ഹോട്ടലുകളിളെ കഴുത്തറുപ്പന് വിലകളെല്ലാം ഇവിടെ തോറ്റു പോകും. രണ്ട് പുഴുങ്ങിയ മുട്ടയ്ക്ക് മുംബൈയിലെ ഹോട്ടല് ഈടാക്കിയത് 1700 രൂപ.
എഴുത്തുകാരനായ കാര്ത്തിക് ധര് ആണ് മുംബൈയിലെ ഫോര് സീസണ്സ് ഹോട്ടല് രണ്ട് മുട്ടയ്ക്ക് 1700 രൂപ ഈടാക്കിയെന്ന വെളിപ്പെടുത്തിലുമായി രംഗത്തെത്തിയിട്ടുള്ളത്. രണ്ട് ഓംലെറ്റിന് 1700 രൂപ ഈടാക്കിയെന്നും ധര് ട്വിറ്ററില് പോസ്റ്റുചെയ്ത ബില്ലില് വ്യക്തമാക്കുന്നു.
ഹോട്ടല് അധികൃതര് പ്രതികരണവുമായി രംഗത്തെത്തിയില്ലെങ്കിലും സോഷ്യല് മീഡയയില് സംഭവം വൈറലായി. അതിസമ്പന്ന കുടുംബത്തിലെ കോഴിയിട്ട മുട്ടയാകാം എന്ന് ചിലര് പരിഹസിച്ചു.
ചണ്ഡീഗഢിലെ ജെ.ഡബ്ല്യൂ മാരിയറ്റ് ഹോട്ടല് രണ്ട് ഏത്തപ്പഴത്തിന് ജി.എസ്.ടി അടക്കം 442 രൂപ ഈടാക്കിയെന്ന വെളിപ്പെടുത്തലുമായി നടന് രാഹുല് ബോസ് നേരത്തെ രംഗത്തെത്തിയിരുന്നു. സംഭവം വിവാദമായതോടെ ചണ്ഡീഗഢിലെ എക്സൈസ് ആന്ഡ് ടാക്സേഷന് വകുപ്പ് ജെ.ഡബ്ല്യൂ മാരിയറ്റ് ഹോട്ടലിന് 25,000 രൂപ പിഴ ചുമത്തിയിരുന്നു.