ഒഡിഷയില്‍ ഒരു നാടിനെ മുഴുവന്‍ ഭയത്തില്‍മുക്കി കാട്ടാനയുടെ അക്രമം. 70 കാരിയെ ചവിട്ട് കൊന്നതും പോരാഞ്ഞ്, അവരുടെ സംസ്‌കാരം നടക്കുമ്പോള്‍ വീണ്ടും മടങ്ങിയെത്തി ആമ ശവശരീരത്തോടും അക്രമം കാട്ടി നാട്ടുകാരെ മണിക്കൂറുകളോളം മുള്‍മുനയില്‍ നിര്‍ത്തി.
ഒഡിഷയിലെ മയൂര്‍ബഞ്ച് ജില്ലയില്‍ വ്യാഴാഴ്ചയാണു ആദ്യം ആനയുടെ അക്രമമുണ്ടായത്. വ്യാഴാഴ്ച രാവിലെ വെള്ളം ശേഖരിക്കുന്നതിനിടെ മായാ മുര്‍മു എന്ന സ്ത്രീയെ ദല്‍മ വന്യജീവി സങ്കേതത്തില്‍നിന്നെത്തിയ ആന ആക്രമിക്കുകയായിരുന്നു. ആനയുടെ ചവിട്ടേറ്റ മായയെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.
വൈകിട്ടോടെ മൃതദേഹം സംസ്‌കരിക്കുന്നതിനിടെ ആന വീണ്ടും മടങ്ങിയെത്തി. ചിതയില്‍നിന്ന് മൃതദേഹം എടുത്തെറിഞ്ഞ കാട്ടാന വീണ്ടും ചവിട്ടി. പിന്നീട് മൃതദേഹം ഉപേക്ഷിച്ച് ആന കാട്ടിലേക്കു മടങ്ങി.
മണിക്കൂറുകള്‍ക്കു ശേഷമാണ് സംസ്‌കാരച്ചടങ്ങുകള്‍ പൂര്‍ത്തിയാക്കിയതെന്ന് ദൃക്സാക്ഷി ദേശീയ മാധ്യമത്തോടു പറഞ്ഞു.
