വിവാദമായ പൗരത്വ നിയമ ഭേദഗതിക്കെതിരായ പ്രതിഷേധം ലഖ്നൗവിൽ അക്രമാസക്തമായി. പ്രതിഷേധക്കാർ പൊലീസിന് നേരെ കല്ലെറിഞ്ഞു. ഇതിന് പകരമായി കണ്ണീർവാതക ഷെല്ലുകൾ പ്രയോഗിക്കുകയും അക്രമാസക്തമായ ജനക്കൂട്ടത്തെ നിയന്ത്രിക്കാൻ പൊലീസ് ലാത്തിചാർജ് നടത്തുകയും ചെയ്തു.
വ്യാഴാഴ്ച രാവിലെ മുതൽ രാജ്യമെമ്പാടുമുള്ള നഗരങ്ങളിൽ നടക്കുന്ന നിരവധി പ്രകടനങ്ങളുടെ ഭാഗമായിരുന്നു ലഖ്നൗവിലെ പ്രതിഷേധം. ഡൽഹി, മുംബൈ, ഭോപ്പാൽ, ബെംഗളൂരു, ചെന്നൈ, പട്ന തുടങ്ങി പത്തിലധികം നഗരങ്ങളിൽ പ്രതിഷേധം ശക്തമായിട്ടുണ്ട്.