കേന്ദ്ര സർക്കാർ പാസാക്കിയ പൗരത്വ നിയമ ഭേദഗതിക്കെതിരെ വിമർശനം ഉന്നയിച്ച്ബി.ജെ.പി സഖ്യകക്ഷിയായ ശിരോമണി അകാലിദളും. ഒരു സർക്കാർ വിജയിക്കണമെങ്കിൽ ന്യൂനപക്ഷങ്ങളെയും കൂടെ കൂട്ടണമെന്ന് ശിരോമണി അകാലിദളിന്റെ മുതിർന്ന നേതാവ് പ്രകാശ് സിംഗ് ബാദൽ പറഞ്ഞു. അമൃതസറിൽ നടത്തിയ റാലിയിൽ പങ്കെടുക്കവെയാണ് പ്രകാശ് സിംഗ് ബാദൽ വിമർശനവുമായി രംഗത്തെത്തിയത്.
“”രാജ്യത്തെ നിലവിലെ സംഭവവികാസങ്ങളിൽ വലിയ ആശങ്കയുണ്ട്. എല്ലാ മതങ്ങളും ബഹുമാനിക്കപ്പെടണം. ഒരു സർക്കാർ വിജയിക്കണമെങ്കിൽ ന്യൂനപക്ഷങ്ങളെയും കൂടെ കൂട്ടണം””- ബാദൽ വ്യക്തമാക്കി.