ശശി തരൂര് തറവാടി നായരാണെന്നും പ്രധാനമന്ത്രിയാകാന് യോഗ്യതയുള്ളയാളാണെന്നും എന്എസ്എസ് ജനറല് സെക്രട്ടറി ജി. സുകുമാരന് നായര്. ഡല്ഹി നായര് എന്ന് വിളിച്ച തെറ്റ് തിരുത്താനാണ് തരൂരിനെ പെരുന്നയിലേക്ക് വിളിച്ചതെന്നും തരൂരിനെ വിളിച്ചതില് നായര്മാരായ മറ്റ് കോണ്ഗ്രസുകാര്ക്ക് വിഷമം ഉണ്ടായിട്ടുണ്ടെന്നും ജി. സുകുമാരന് നായര് പറഞ്ഞു.
ശശി തരൂര് തറവാടി നായര് ആണ്. പ്രധാനമന്ത്രി ആകാന് യോഗ്യതയുള്ളയാളാണ് ശശി തരൂര്. കൂടെയുള്ളവര് സമ്മതിക്കില്ലെങ്കില് എന്ത് ചെയ്യാനാ. അധോഗതി എന്നല്ലാതെ എന്ത് പറയാനാ. ഡല്ഹി നായര് എന്ന് വിളിച്ച തെറ്റ് തിരുത്താനാണ് തരൂരിനെ പെരുന്നയിലേക്ക് വിളിച്ചത്.
തരൂരിനെ വിളിച്ചതില് നായര്മാരായ മറ്റ് കോണ്ഗ്രസുകാര്ക്ക് വിഷമം ഉണ്ടായിട്ടുണ്ട്. തരൂര് ഉള്ളത് കൊണ്ട് ചിലര്ക്ക് പെരുന്നയില് വരാന് ആഗ്രഹം ഇല്ലായിരിന്നു. അത് അവരുടെ അല്പ്പത്തരം ആണ്. ഒരു നായര്ക്ക് മറ്റൊരു നായരെ കണ്ട് കൂടാ എന്നത് മന്നത്തിന്റെ കാലം മുതല് കേട്ടിട്ടുണ്ട്.
ചെന്നിത്തലയെ ഉയര്ത്തി കാണിച്ചതാണ് കഴിഞ്ഞ നിയമ സഭ തിരഞ്ഞെടുപ്പിലെ വീഴ്ചക്ക് കാരണം. താക്കോല്സ്ഥാനത്തെത്തിയ രമേശ് ചെന്നിത്തല പിറ്റേന്ന് തന്നെ സമുദായത്തെ തള്ളിപ്പറഞ്ഞു. ഉമ്മന് ചാണ്ടി ആയിരുന്നെങ്കില് അത്ര വലിയ തോല്വി ഉണ്ടാകില്ലായിരുന്നുവെന്നും സുകുമാരന് നായര് പറഞ്ഞു.