കേരളത്തിലെ കോൺഗ്രസ് ഒറ്റക്കെട്ടാണെന്ന് കോൺഗ്രസ് നേതാവ് രമേശ് ചെന്നിത്തല. പുനഃസംഘടന കഴിഞ്ഞതിന് ശേഷം തിരിച്ചു വന്നുവെന്ന് പറഞ്ഞ രമേശ് ചെന്നിത്തല യുഡിഎഫിന്റെ വസന്തകാലം സൃഷ്ടിക്കാൻ പ്രാപ്തമായ പുനഃസംഘടനയാണിതെന്നും വ്യക്തമാക്കി. കോണ്‍ഗ്രസ് ഒറ്റക്കെട്ടായി തന്നെയാണ് മുന്നോട്ട് പോകുന്നതെന്നും രമേശ് ചെന്നിത്തല കൂട്ടിച്ചേര്‍ത്തു.
ചിലയാളുകൾക്ക് കോൺഗ്രസിൽ പ്രശ്നം ഉണ്ടാകണമെന്ന് ആഗ്രഹമെന്നും ആ വെള്ളം വാങ്ങി വച്ചേക്കണമെന്നും രമേശ് ചെന്നിത്തല പറഞ്ഞു. തങ്ങളുടെ ലക്ഷ്യം തിരിച്ചു വരവ് മാത്രമാണെന്നും ചെന്നിത്തല കൂട്ടിച്ചേർത്തു. എല്ലാ കോണ്‍ഗ്രസ് പ്രവര്‍ത്തകരും ഒറ്റക്കെട്ടായി മുന്നോട്ട് പോകണമെന്നും ആര്‍ക്കും തെറ്റിദ്ധാരണ വേണ്ടെന്നും ചെന്നിത്തല പറഞ്ഞു.
എല്ലാവരും ഒരുമിച്ചു മുന്നോട്ട് പോകും. പാർട്ടിക്കകത്ത് അഭിപ്രായം വ്യത്യാസം ഇല്ല. എല്ലാവർക്കും അസൗകര്യങ്ങൾ ഉണ്ടാകും. അഭിപ്രായം വ്യത്യാസം എന്ന് ആരും പറഞ്ഞിട്ടില്ല. എഴുതാപ്പുറം വായിക്കരുത്. ജനങ്ങൾ തെരഞ്ഞെടുപ്പിന് കാത്തിരിക്കുന്നു. ഇനി ഒരു അവസരം കൊടുത്താൽ നാടും പാർട്ടിയും നശിക്കും എന്ന് പാർട്ടിക്കാർക്ക് മനസിലായി. ഈ നാട്ടിലെ ജനങ്ങൾക്ക് വേണ്ടി ഈ സർക്കാർ ഒന്നും ചെയ്തില്ല. എല്ലാ ജില്ലകളിലും പോയി ജനങ്ങളെ തെറ്റിദ്ധരിപ്പിക്കുന്നുവെന്നും ചെന്നിത്തല പറഞ്ഞു.