കേരളത്തിൽ ആശങ്ക ഉയർത്തി കോവിഡ് മരണസംഖ്യ ഉയരുന്നു. മലപ്പുറം പെരുവള്ളൂർ സ്വദേശി കോയാമു (82) ആണ് കോവിഡ് ബാധിച്ച് മരിച്ചത്. ഇതോടെ ഇന്ന് കേരളത്തിൽ മരണം മൂന്നായി.
മഞ്ചേരി മെഡിക്കൽ കോളജിൽ രാവിലെ 10.30നാണ് കോയാമു മരിച്ചത്. ഇദ്ദേഹത്തിൻറെ ഭാര്യയും മക്കളും അടക്കം പത്ത് പേർ കോവിഡ് ബാധിച്ച് ചികിത്സയിലാണ്. ന്യുമോണിയ, പ്രമേഹം, അൽഷിമേഴ്സ് രോഗിയായിരുന്നു കോയാമു.
ഇടുക്കിയിൽ സ്പെഷ്യൽ ബ്രാഞ്ച് എസ്ഐ അജിതനും എറണാകുളത്ത് ഇന്നലെ മരിച്ച സോഷ്യലിസ്റ്റ് നേതാവ് ആലുങ്കൽ ദേവസ്യയുമാണ് ഇന്ന് മരിച്ച മറ്റ് രണ്ടു പേർ. സ്വകാര്യ ആശുപത്രിയിൽ ചികിത്സയിൽ ഇരിക്കെയാണ് ദേവസ്യയുടെ മരണം.
കോവിഡ് രോഗബാധിതരുടെ എണ്ണം ഉയരുന്ന ക്രമത്തിൽ മരണസംഖ്യയും ഉയരുന്നത് സംസ്ഥാനത്ത് ആശങ്ക ഉയർത്തുകയാണ്.