പാലക്കാട് ഇരട്ടക്കൊലപാതക കേസിലെ പ്രതി ചെന്താമരയെ പോത്തുണ്ടി മാട്ടായിയില്‍ കണ്ടെന്ന വിവരത്തിന്റെ അടിസ്ഥാനത്തില്‍ വ്യാപക തിരച്ചില്‍. പൊലീസ് ഉദ്യോഗസ്ഥരും നാട്ടുകാരും ഉള്‍പ്പെടെ നൂറോളം പേര്‍ സജീവ തിരച്ചിലിലാണ്. മാട്ടായി ക്ഷേത്രത്തിന് സമീപത്താണ് പ്രതിയെ കണ്ടതായി വിവരമുള്ളത്.
നാട്ടുകാരില്‍ ഒരാളാണ് പ്രതിയെ കണ്ടതായി അറിയിച്ചത്. പൊലീസ് സംഘത്തിലെ ഒരാളും ഇയാളെ കണ്ടതായാണ് വിവരം. ഇരുവരും കണ്ടത് ചെന്താമരയെ ആണെന്ന് പൊലീസ് സ്ഥിരീകരിച്ചു. പ്രതി കുറ്റിക്കാട്ടിലേക്ക് ഓടിമറഞ്ഞതായാണ് വിവരം. കൂടുതല്‍ നാട്ടുകാര്‍ ഇവിടേക്ക് എത്തിയിട്ടുണ്ട്. പ്രദേശത്ത് ശക്തമായ പരിശോധന തുടരുകയാണ്.
മട്ടായി ക്ഷേത്രത്തിന് സമീപത്തെ ഗ്രൗണ്ടില്‍ ഇരിക്കുകയായിരുന്ന യുവാക്കളാണ് പ്രതിയെ കണ്ടത്. പിന്നാലെ വിവരം കൂടുതല്‍ നാട്ടുകാരെ അറിയിക്കുകയായിരുന്നു. നാട്ടുകാര്‍ പിന്നാലെ ഓടിയപ്പോഴേക്കും ഇയാള്‍ രക്ഷപ്പെട്ടു.
