തൃശൂരില് ക്ഷേത്രത്തിലെ ഉത്സവത്തിന് എഴുന്നള്ളിപ്പിന് എത്തിച്ച ആന ഇടഞ്ഞ് യുവാവിനെ കൊലപ്പെടുത്തി. തൃശൂര് എളവള്ളിയില് പൈങ്കണിക്കല് ക്ഷേത്രത്തിലെ ഉത്സവത്തിന് എത്തിച്ച ആനയാണ് ഇടഞ്ഞത്. ആനയുടെ ആക്രമണത്തില് ആലപ്പുഴ സ്വദേശി ആനന്ദ് ആണ് കൊല്ലപ്പെട്ടത്.
ചൊവ്വാഴ്ച വൈകുന്നേരം മൂന്ന് മണിയോടെയാണ് സംഭവം. ആനയുടെ ആക്രമണത്തില് പാപ്പാനും പരിക്കേറ്റിട്ടുണ്ട്. ചിറക്കല് ഗണേശന് എന്ന ആനയാണ് ഇടഞ്ഞത്. കുളിപ്പിക്കുന്നതിനിടയില് ഇടഞ്ഞ ആന ആദ്യം പാപ്പാനെ ആക്രമിക്കുകയായിരുന്നു. തുടര്ന്ന് വിരണ്ട് ഓടിയ ആന കടവല്ലൂര് റെയില്വേ പാലത്തിന് സമീപത്തെ പറമ്പില് വിശ്രമിക്കുകയായിരുന്ന ആനന്ദിനെയും ആക്രമിച്ചു.
ഉത്സവ കച്ചവടത്തിനെത്തിയതായിരുന്നു ആനന്ദ്. ആനന്ദിന്റെ വയറ്റിലാണ് ആന കുത്തിയത്. ഉടന്തന്നെ ചാവക്കാട് താലൂക്ക് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. നാലര കിലോമീറ്റര് വിരണ്ടോടിയ ആനയെ ഏറെ നേരത്തെ പരിശ്രമത്തിനൊടുവിലാണ് തളച്ചത്.