ആലപ്പുഴ രാമങ്കരി പഞ്ചായത്ത് വൈസ് പ്രസിഡന്റ് സ്ഥാനത്തേക്ക് യുഡിഎഫ് പിന്തുണയോടെ സിപിഐ സ്ഥാനാർത്ഥി രമ്യ സജീവ് തിരഞ്ഞെടുക്കപ്പെട്ടു. സിപിഎമ്മും സിപിഐയും തമ്മിലായിരുന്നു മത്സരം. രമ്യയ്ക്ക് ഏഴ് വോട്ടും സിപിഎമ്മിലെ മോൾജി രാജീവിന് 5 വോട്ടും കിട്ടി.
യുഡിഎഫ് അംഗങ്ങൾ സിപിഐക്ക് അനുകൂലമായി വോട്ട് ചെയ്തു. യുഡിഎഫിന്റെ വൈസ് പ്രസിഡന്റായിരുന്ന ഷീന രാജപ്പൻ രാജിവച്ച ഒഴിവിലാണ് തിരഞ്ഞെടുപ്പ് നടന്നത്. യുഡിഎഫിലെ ധാരണ പ്രകാരം അവസാനത്തെ ആറുമാസം കോൺഗ്രസ് അംഗത്തിന് പ്രസിഡന്റ്, വൈസ് പ്രസിഡന്റ് പദം നൽകാനായിരുന്നു രാജി. സിപിഐ സ്ഥാനാർഥി രംഗത്ത് എത്തിയതോടെ യുഡിഎഫ് മത്സരത്തിൽ നിന്ന് പിന്മാറുകയായിരുന്നു.
