മുനമ്പം വിഷയത്തില് മുഖ്യമന്ത്രി പാണക്കാട് തങ്ങളെ അധിക്ഷേപിച്ചെന്ന് എഐസിസി ജനറല് സെക്രട്ടറി കെസി വേണുഗോപാല്. മുനമ്പം വിഷയം ഇത്രയും വഷളാക്കിയത് സര്ക്കാരാണെന്നും കെസി ആരോപിച്ചു. പാണക്കാട് തങ്ങളെ അധിക്ഷേപിക്കുന്നത് ബിജെപിയെ സഹായിക്കാനാണെന്നും കെസി വേണുഗോപാല് പറഞ്ഞു.
പിണറായി വിജയന് പാണക്കാട് സാദിഖലി തങ്ങളെയാണ് ആക്രമിച്ചിരിക്കുന്നത്. മുനമ്പം വിഷയത്തില് മുഖ്യമന്ത്രി പാണക്കാട് തങ്ങളെ അഭിനന്ദിക്കുമെന്നാണ് കരുതിയത്. എത്ര നിന്ദ്യമായ ഭാഷയിലാണ് മുഖ്യമന്ത്രി തങ്ങളെ വിമര്ശിച്ചത്. പാണക്കാട് തങ്ങളെ അധിക്ഷേപിക്കുന്നത് ബിജെപിയെ സഹായിക്കാനാണെന്നും കെസി വേണുഗോപാല് കുറ്റപ്പെടുത്തി.
സംസ്ഥാന സര്ക്കാരിന് നേരത്തെ പ്രശ്നം പരിഹരിക്കാന് സാധിക്കുമായിരുന്നു. ഇപ്പോഴത്തെ ചര്ച്ച നേരത്തെ നടത്തേണ്ടതായിരുന്നു. എന്നാല് ഇപ്പോള് സര്ക്കാര് ബിജെപിയുടെ വര്ഗീയതയെ ഫണം വിരിച്ച് ആടാന് അനുവദിക്കുകയല്ലേ ചെയ്യുന്നതെന്നും കെസി വേണുഗോപാല് ചോദിച്ചു.
അതേസമയം സന്ദീപ് വാര്യരെ പാര്ട്ടിയിലെടുത്തത് എഐസിസിയുടെ അനുമതിയോടെയെന്നും കെ സി വേണുഗോപാല് പറഞ്ഞു. സന്ദീപ് വാര്യരുടെ പശ്ചാത്തലം ഇനി പ്രസക്തമല്ല. അദ്ദേഹം പഴയ പ്രത്യയശാസ്ത്രം ഉപേക്ഷിച്ചു കഴിഞ്ഞു.സന്ദീപ് വാര്യരുടെ പശ്ചാത്തലം ഇനി പ്രസക്തമല്ല. അദ്ദേഹം പഴയ പ്രത്യയശാസ്ത്രം ഉപേക്ഷിച്ചു കഴിഞ്ഞുവെന്നും കെസി കൂട്ടിച്ചേര്ത്തു.