പ്രവാചകന് എതിരായ പരാമര്ശം നടത്തിയ നൂപുര് ശര്മയെ പിന്തുണച്ച് സമൂഹമാധ്യമത്തില് പോസ്റ്റിട്ടതിനെ തുടര്ന്ന് രാജസ്ഥാനിലെ ഉദയ്പൂരില് ഒരു തയ്യല്ക്കാരനെ കൊലപ്പെടുത്തിയ സംഭവത്തില് പ്രതികള്ക്കെതിരെ രാഹുല് മാങ്കൂട്ടത്തില്. ഒരാളെ നിഷ്ഠുരം കൊല്ലുക, അത് വലിയ അഭിമാനമെന്നോണം വീഡിയോ ചിത്രീകരിക്കുക. ഇത് ഭീകരവാദമാണ്. ഇവര് ഇസ്ലാം മത വിശ്വാസികളല്ല, മറിച്ച് ഇസ്ളാമിസ്റ്റ് തീവ്രവാദികളാണെന്നും അദ്ദേഹം ഫെയ്സ്ബുക്കില് കുറിച്ചു.
പ്രതികള്ക്ക് പരാമവധി ശിക്ഷ നല്കണമെന്നും ഇവര്ക്ക് പിന്നിലുളഅളവരെ കുറിച്ചും അവരുടെ മറ്റുബന്ധങ്ങളും അന്വേഷിക്കണമെന്നും അദ്ദേഹം ആവശ്യപ്പെട്ടു.
ഫെയ്സ്ബുക്ക് കുറിപ്പിന്റെ പൂര്ണരൂപം;
ഒരാളെ നിഷ്ഠുരം കൊല്ലുക, അത് വലിയ അഭിമാനമെന്നോണം വീഡിയോ ചിത്രീകരിക്കുക. ഇത് ഭീകരവാദമാണ്. ഇവര് ഇസ്ലാം മത വിശ്വാസികളല്ല, മറിച്ച് ഇസ്ളാമിസ്റ്റ് തീവ്രവാദികളാണ്. രാജസ്ഥാന് പോലീസിന്റെ പെട്ടന്നുള്ള ഇടപെടലില് പ്രതികളെ പിടിക്കാനായെങ്കിലും , ഇവരെ അധികകാലം തീറ്റിപോറ്റാതെ പരമാവധി ശിക്ഷ പെട്ടന്ന് തന്നെ നടപ്പിലാക്കാന് രാജ്യത്തെ നിയമകൂടത്തിന് കഴിയണം. ഇവരുടെ പുറകിലുള്ള സകലവരേയും, മറ്റുബന്ധങ്ങളും അന്വേഷിക്കണം.