ആദ്യ ചിത്രം “വെണ്ണിലാ കബഡിക്കൂട്ടത്തിലൂടെ ശ്രദ്ധേയനായ സംവിധായകനാണ് സുശീന്ദ്രൻ. കബഡി ആയിരുന്നു സിനിമയുടെ പ്രധാന കഥാതന്തു. “ക്രിക്കറ്റ് പശ്ചാത്തലമാക്കിയ “ജീവ” എന്ന സിനിമയും ശ്രദ്ധിക്കപ്പെട്ടിരുന്നു. വീണ്ടും ഒരു സ്പോർട്സ് സിനിമയുമായി സുശീന്ദ്രൻ എത്തുന്നുവെന്നാണ് റിപ്പോർട്ടുകൾ സൂചിപ്പിക്കുന്നത്.
“ചാമ്പ്യൻ” എന്നാണ് പുതിയ സിനിമയുടെ പേര്. ഫുട്ബോൾ പശ്ചാത്തലത്തിലാണ് “ചാമ്പ്യൻ” ഒരുക്കുന്നത്. തമിഴ്നാട്ടിലെ ഒരു ഫുടബോൾ താരത്തിന്റെ ജീവിതത്തിലൂടെ ആണ് സിനിമ നീങ്ങുന്നത്. വിശ്വ, മൃണാളിനി, ജയപ്രകാശ് എന്നിവർക്കൊപ്പം മലയാളി താരം നരെയ്നും ഒരു മുഴുനീള വേഷത്തിൽ എത്തുന്നു.
സുശീന്ദ്രന്റെ “അഴകർ സ്വാമിയിൻ കുതിരൈ” ക്കു ദേശീയ അവാർഡ് ലഭിച്ചിരുന്നു.നിരവധി അന്തർദ്ദേശീയ മേളകളിൽ ചിത്രം പ്രദർശിപ്പിച്ചിരുന്നു. നാൻ മഹാൻ അല്ലൈ, ജീനിയസ് എന്നീ സിനിമകളും ശ്രദ്ധിക്കപ്പെട്ടിരുന്നു.