മമ്മൂട്ടി നെഗറ്റീവ് ഷേഡുള്ള കഥാപാത്രത്തെ അവതരിപ്പിക്കുന്ന പുഴു പ്രേക്ഷകരിലേക്ക് എത്താന് ഇനി മൂന്നു ദിവസങ്ങള് മാത്രം. ഒടിടി റിലീസായി സോണി ലിവിലൂടെ എത്തുന്ന ചിത്രം എല്ലാവരും കാണണമെന്ന് ആവശ്യപ്പെട്ടിരിക്കുകയാണ് മമ്മൂട്ടി.
രത്തീന സംവിധാനം ചെയ്യുന്ന സിനിമ 13നാണ് സോണി ലിവിലൂടെ എത്തുന്നത്. തന്റെ ഒരു സിനിമ നേരിട്ട് സ്ടീം ചെയ്യുന്നത് ആദ്യമാണെന്നും എല്ലാവരും ചിത്രം കാണണമെന്നും മമ്മൂട്ടി വീഡിയോയില് പറയുന്നു.
ഇതാദ്യമായാണ് മമ്മൂട്ടി മലയാളത്തില് ഒരു വനിതാ സംവിധായികയുടെ സിനിമയില് അഭിനയിക്കുന്നതെന്ന പ്രത്യേകതയുമുണ്ട് പുഴുവിന്. മമ്മൂട്ടിക്കൊപ്പം പാര്വതി തിരുവോത്തും ചിത്രത്തില് കേന്ദ്ര കഥാപാത്രമായി എത്തുന്നു.
തേനി ഈശ്വര് ആണ് ചിത്രത്തിന്റെ ഛായാഗ്രഹണം നിര്വഹിക്കുന്നത്. നെടുമുടി വേണു, ഇന്ദ്രന്സ്, മാളവിക മോനോന് തുടങ്ങി വലിയൊരു താരനിരയും ചിത്രത്തില് അണിനിരക്കുന്നുണ്ട്. എസ് ജോര്ജ് ആണ് ചിത്രത്തിന്റെ നിര്മ്മാണം. സെല്ലുലോയ്ഡിന്റെ ബാനറിലാണ് ‘പുഴു’വെന്ന ചിത്രത്തിന്റെ നിര്മാണം. വേറിട്ട പ്രമേയ പരിസരമാണ് ചിത്രത്തിന്റേത് എന്നാണ് ടീസറില് നിന്ന് വ്യക്തമായത്.